Taas-tax sa alak lusot

MANILA, Philippines — Lusot na sa botong 43-Yes at 0-No ang House bill 1026 na layong itaas ang buwis sa mga inuming nakakalasing sa bansa.

Sa ilalim ng panukala, itataas sa P6.60 ang excise tax na ipinapataw sa mga alcoholic drinks.

Kapag naging ganap na batas, magkakaroon ng ad valorem rate na 22 % kabilang na ang specific tax rates per proof liter ng P30, P35, P40 at P45.

Sa kasalukuyang RA 10351, ang mga alak ay mayroong P22.40 specific tax at ad valorem tax na 20 percent.

Bukod dito, inaprubahan din ang P650 unitary rate para sa mga sparkling wines at itinaas sa P2.10 ang buwis sa mga still at carbonated wines, habang ang may alcohol content na mas mataas sa 14 percent ay may P4.10 pagtaas.

Ang inaprubahang tax rate naman para sa fermented liquors ay tinaas sa P2.60.