China loan dumaan daw sa pagbusisi

MANILA, Philippines — Tiniyak ng Malacañang na dumaan sa pagbusisi ng economic managers ni Pangulong Rodrigo Duterte ang loan agreement nito sa China matapos payuhan ni Malaysian Prime Minister Mahathir Mohamad ang Pilipinas na mag-ingat sa mga pag-utang nito lalo sa China.

“Tatanggapin natin ang kanyang payo at pinag-aaralan ng mga economic manager ang lahat ng klase ng inuutang natin sa pamahalaang Intsik,” sabi ni  Presidential Spokesman Salvador Panelo.