Inflation nanatili sa 6.7%
MANILA, Philippines — Nanatili sa 6.7-percent ang inflation rate o pagbilis ng taas sa presyo ng mga bilihin nitong nagdaang Oktubre, ayon sa Philippine Statistics Authority (PSA).
Lumabas sa pag-aaral ng PSA na nagkaroon ng pagbaba sa index ng pagkain, non-alcoholic at alcoholic na inumin at tobacco kaya hindi gumalaw ang inflation.
Lubha naman itong mas mataas kumpara noong Oktubre ng nakaraang taon na 3.1-percent.
Dahil dito, hindi rin nagbago ang pagbilis ng taas sa presyo ng mga bilihin sa labas ng National Capital Region (NCR) sa 6.8 percent.
Bicol region pa rin ang may pinakamataas na rate sa 9.9-percent mula 10.1-percent noong Setyembre habang Central Luzon ang pinakamababa sa 4.4-percent mula 4.5-percent.
Samantala tumaas ang inflation sa Cordillera, Region 2 at Mimaropa bilang epekto ng nagdaang bagyong Ompong.
- Latest