Bong Go sumuporta sa anti-poverty walk ng INC
MANILA, Philippines — Nakiisa si Special Assistant to the President Bong Go sa isinagawang ikalawang Worldwide Walk to Fight Poverty ng Iglesia ni Cristo sa Roxas Blvd., kahapon ng umaga.
Pinuri ni Go ang INC sa ginagawa nitong charity walk para makatulong at malabanan ang kahirapan.
Sinabi ni Go na tunay na may puso ang INC sa pagtulong sa kapwa kaya hinihikayat niya ang iba pang religious groups, organisasyon at mga local government units na magsagawa rin ng mga kaparehong charity moves.
Ayon kay Go, sana ay muling kilalanin ng Guinness Book of World Records ang charity walk ng INC kung saan at kinilala ito bilang largest charity walk na idinaos sa loob ng 24 hours noong 2014 dahil sa partisipasyon ng 519,221 sa 129 cities ?sa 16 na bansa.
Samantala, aminado si Go na hindi siya sanay na gumising nang maaga pero nakayanan nang sumabay sa iba pang kalahok at aminado siyang nasorpresa siya na nawala ang antok niya dahil sa sayang naramdaman niya nang makita niyang marami ang nakiisa para sa proyekto.
- Latest