Pekeng P500, P1,000 nagkalat
MANILA, Philippines - Nagbabala kahapon ang PNP-Criminal InvesÂtigation and Detection Group sa naglipanang mga pekeng P200, P500 at P1,000 peso bill sa bansa partikular na sa Metro Manila.
Ito’y kasunod ng pagkakasamsam ng P50,000 pekeng pera sa mag-asawang Virgilo Bocabar at Violeta Bendijo sa operasyon sa Taguig City.
Ayon kay Supt Alexander Tagum, hepe ng PNP-CIDG-Anti-Organized Crime Division, sinamÂpahan na ng kasong kriminal ang mga suspect.
Nabatid na ibinebenta ng mag-asawa ang pekeng P500 sa halagang P150 sa Metro Manila habang ang pekeng 1,000 bill ay ipinakakalat naman ng isang big time syndicate sa Visayas Region.
Ang mga pekeng pera ay ipinalalabas sa black market at maging sa mga malls sa Metro Manila.
Ayon pa rito, ang pekeng pera ay ginagawa ng sindikato gamit ang mga modernong makina kung saan maging ang security seal ay kinokopya rin ng mga ito upang magmukhang tunay.
- Latest
