AFP-DND sabit din sa DAP
MANILA, Philippines - Nakinabang din ang Armed Forces of the PhiÂlippines (AFP) at Department of National Defense (DND) sa sumingaw na kontrobersyal na isyu ng Disbursement Acceleration Program (DAP) na bahagi ng multi-million discretionary fund ni PaÂngulong Aquino.
Ito ang inamin ng tanggapan ng DND sa mainit na usapin ng DAP ng mga mambabatas at ng iba pang opisyal ng gobyerno na nais ng ilang sektor na tanggalin na dahilan naÂgiging ugat ng korapsyon.
Sa inilabas na pahaÂyag ng DND, sinasabing umaabot sa P665.6 milÂyon mula sa DAP ang tiÂnanggap nila sa pagitan ng 2011 at 2012 na ipinalabas ng Department of Budget ang Management.
Napunta ang P397.3 milyon sa Philippine Air Force (PAF) para sa pagbili ng search and rescue equipment at pagsasaaÂyos ng pasilidad nito sa Air Education and Training Command (AETC) sa Lipa City, Batangas.
Ang Presidential Security Group (PSG) naman ay nakatanggap ng P248.3 M para sa communication enhancement kabilang ang pagsasaayos ng mga gusali at barracks, pagkakabit ng CCTV cameras sa PalasÂyo ng Malacañang at pag-upgrade ng kagamitan sa digital mula analog.
Sinabi ng tanggapan ni Defense Secretary Voltaire Gazmin na inaprubahan at pinondohan ng Budget Department ang nasabing mga proyekto.
Gayunman, kung pagÂsasamahin ang naturang mga halaga, lumilitaw na P645.6 milyon lamang ito.
Wala namang maipaliwanag si Defense spokesman Dr. Peter Paul Galvez kung saan napunta ang P20 milyong pondo subalit may impormasyon na pinaghatian umano ng Philippine Army at Philippine Navy ang naturang halaga.
- Latest