Serbisyo ng PTV4 mababago na - Loren
MANILA, Philippines - Mas magagampanan na ng maayos ng State owned People’s Television Network Incorporated (PTV4) ang tungkulin nitong iparating sa publiko sa pinakamabilis na paraan ang mga impormasyon mula sa gobyerno sa pagkakapasa sa Senado ng panukalang nag-aamyenda sa charter nito.
Ayon kay Senadora Loren Legarda, isa sa mga bumoto sa pagkakapasa ng Senate Bill 3316 sa pinal at ikatlong pagbasa sa senado, kailangan nang mabigyan ng pagkakataon ang PTV4 na magsahimpapawid ng mga bayad na patalastas mula sa mga pribadong kumpanya o indibiduwal na katulad sa ibang himpilan ng telebisyon.
Sa ilalim ng umiiral na 10 taong gulang nang charter ng PTV4 ay hindi ito pinapayagan na tumanggap at magsahimpapawid ng tinatawag na paid advertisements na isa sa mga nakikitang dahilan ni Loren kung bakit hindi nito ganap na magampanan ang tungkulin bilang tagahatid ng impormasyon mula sa pamahalaan.
- Latest