Gov't lugi raw sa paupa sa planta

MANILA, Philippines - Lugi umano ang gobyerno sa kontratang pinasok at nilagdaan ng National Irrigation Administration (NIA) at Maslog 1 Hydropower Corp. para sa pagpapaupa ng Baligatan Hydro Electric Plant sa Magat  Dam.

Ayon sa mga manggagawa ng NIA Region 2  Employees Asssociation at Samahan ng Irigators Association, lumalabas na uupahan lamang ng Maslog 1 Hydropower Corp. ang Baligatan Hydro Electric Plant ng P5 milyon bawat taon, gayong kumikita umano ang naturang planta ng hindi bababa sa P120 milyon kada taon.

Malulugi umano ang pamahalaan ng  P115 milyon sa naturang kontrata kung igigiit na ituloy ang pagpapaupa sa naturang planta.

Naudlot ang tangkang takeover sana ng Maslog 1 Hydropowers Corp. sa Baligatan Hydro Plant nitong Hunyo 2012. Nais ng mga magsasaka at manggagawa na ipabusisi ang umano’y kuwestyunableng kontrata sa pagitan ng NIA at Maslog 1 Hydropower Corp. na hinihinala nilang minadali at hindi umano pinag-aralan ng husto.