SK 'wag lusawin - Marcos

MANILA, Philippines – Tutol si Sen. Ferdinand “Bongbong” Marcos Jr. na lusawin ang Sangguniang Kabataan bagkus ay nais niyang palakasin pa ito.

Ayon kay Sen. Marcos, chairperson ng Senate committee on Local Government, maaring mareporma ang batas na sumasaklaw nito, pero hindi ito pwedeng lusawin.

Sa panahon ng liderato ng kanyang ama na si yu­maong Pangulong Ferdinand Marcos unang itinayo ang Kabataang Barangay (KB) na pinamunuan ng kanyang kapatid na si Ilocos Norte Gov. Imee Marcos.

Nauna ng sinabi ng DILG na sayang lamang ang pera na ginagamit ng SK at nagiging hulmahan pa ito ng mga kurap na opisyal ng pamahalaan bukod sa nagagamit din daw ito ng mga traditional politicians.