Torotot delikado rin

MANILA, Philippines - Hindi lamang ang firecrackers at fireworks ang peligrosong gamitin sa pagsalubong sa Pasko at Bagong Taon dahil ma­ging ang simpleng ‘torotot’ ay maaring makamatay.

Paalala ito ng Depart­ment of Health-Food and Drug Administration (DPH-FDA) kahapon sa publiko dahil sa inaasahang pagsapit ng pagdiriwang na maaring maisantabi ang mga pag-iingat.

Sa talaan ng FDA, no­ong nakalipas na taon, da­­lawang bata na nagka­ka-edad ng 3 at 8 ang na­­kalunok ng nakalas na ba­hagi ng torotot na nagbibigay-tunog. Sila ay isinugod sa ospital upang maalis ang nasabing object sa lalamunan na ma­aring maging dahilan ng kamatayan.

“Certain types of torotot are made locally from plastic, foil and paper attached together using adhesives and are used to produce noise the ce­lebration of the New Year. These parts may be removed during use and might be swallowed by the children,” anang FDA.