Libreng entrance fee sa museums, historical shrines itinutulak ng solon
MANILA, Philippines - Upang maipakita ang natural at cultural heritage ng bansa, isinusulong ng isang kongresista ang panukalang batas na naglalayong ilibre ang publiko sa pagpasok sa lahat ng museum at iba pang historical shrines.
Base sa House Bill 4932 o ang Free Access to Museum Act” na inihain ni Kabataan party list Rep. Raymond Palatino, nagdadalawang isip ang publiko na pumasok sa may 300 museums at 22 historical shrines sa buong bansa dahil sa malaking gastos pagpasok dito.
Dagdag pa dito ang hirap ng buhay na dinaranas sa bansa kaya hindi na pinag-aaksayahan ng pera at oras ng publiko ang pagpunta sa mga nasabing lugar.
Sa ilalim ng nasabing panukalang batas, lahat ng pampubliko at pribadong museums at historical shrines na sumisingil ng entrance fees ay dapat na ilibre ang publiko ng dalawang beses sa loob ng isang buwan.
“Museums and historical shrines highlight the country’s historic legacies through exposition of artworks, relics and memorabilia of heroes and other illustrious Filipinos that instill pride among the Filipinos. Museums reinvigorate the youth’s passion to appreciate our nation’s distinct cultural heritage,” ayon pa kay Palatino.
- Latest
- Trending
