Mga baboy sa VisMin malabong magka-ebola

Malabo na mahawa ng ‘Ebola reston virus’ ang mga baboy na buhat sa Visayas at Mindanao kaya walang dapat ipa­ngamba ang publiko sa mga hayup na mangga­galing sa natu­ rang mga rehiyon.

Sinabi ni Department of Agriculture Secretary Arthur Yap na 1998 pa umano ipi­natigil ang pag­bibiyahe ng mga baboy mula sa Luzon patungo sa Visayas at Min­danao kaya hindi magkaka­roon ng hawahan ang mga ito.

Naniniwala naman ang DA at Department of Health na matagal bago magka­hawahan ng natu­rang virus ang mga baboy kahit na matagal nang na-expose ang mga ito sa mga apek­tadong hayop. 

Ito’y matapos na lu­ma­bas ang resulta sa pagsu­suri ng ‘blood sam­ple’ na ipi­nadala sa Esta­dos Uni­dos ng mga baboy na ka­sama ng mga hayop na unang natagpuang positibo sa ebola reston virus. Na­batid sa pagsu­suri na wa­lang sakit ang mga ito. (Danilo Garcia)