Presyo ng gatas, chocolate bagsak

Bunga ng pangamba ng publiko kaugnay na nakalalasong kemikal ng mga produktong galing China, bumagsak na­man sa 10-20 porsiyento ang presyo ng gatas at ilang chocolate drinks sa gitna ng melamine scare.

Inamin din ng Department of Trade and Industry (DTI) na bumagsak ng 50 porsiyento ang sales at consumption ng milk products.

Naniniwala si DTI Un­dersec. Zenaida Mag­laya na tumaas naman ang demand ng mga local milk products at naging mapa­nuri na nga­yon ang mga mamimili.

Payo naman ni Mag­laya na sa halip uma­no na matakot, tingnan ang positibong epekto ng me­lamine scare sa ban­sa.

Dahil dito, naging ma­ingat na umano ang pub­liko sa kahalagahan ng mga product label at na­ tuto na rin umanong tu­mang­kilik ang produktong gawa sa bansa. (Rose Tamayo-Tesoro)