CBCP tutol sa pagbabalik ng death penalty

Nagpahayag na ng pag­tutol ang Simbahang Kato­ liko sa isyu ng muling pag­buhay sa batas na nagpa­pataw ng parusang kama­tayan, sa kabila ng pagtaas ng kaso ng ka­rumal-dumal na krimen sa bansa, sa kasalukuyan.

Sinabi kahapon ni Pam­panga Archbishop Paciano Aniceto na  ang tunay na solusyon sa mga matitin­ding problema sa  bansa ay kailangang mag­mula mis­mo sa loob ng pamilya at pagpa­pahalaga sa ka­sagra­duhan ng buhay.

“Hindi solusyon iyan (death penalty) eh. Na­pakadaming nasa maximum  security, mayroong death penalty, eh hindi naman tumitino ang sos­yedad,” pahayag ni Ani­ceto.

Naniniwala si Aniceto na ang kawalan ng sapat na gabay sa pamilya at  kakulangan sa mga ka­rakter na magagaya sa magulang ang siyang dapat  pagtuunan ng pan­sin. Isa na rito ang pa­ngingibayong dagat ng mga magulang at iba pang kaso ng hiwala­yang mag-asawa kaya nagmimis­tulang “featherless generation” ang umiiral ngayon.

Dapat aniyang, bigyan ng pagkakataon ang sinu­mang nagkasala na maka­pagnilay at magbago mula sa kaniyang mga naga­wang kasamaan.

Ang panukalang ibalik ang death penalty ay lumu­tang nang dahil sa  magka­kasunod na insidente ng patayan sa bansa partikular ang holdap/masaker sa 10 katao sa RCBC sa Cabu­yao, Laguna. (Ludy Bermudo)