Piloto ni Garci iimbestigahan

Iimbestigahan ng Bureau of Immigration (BI) ang pilto at may-ari ng pribadong eroplano na sinakyan ni dating Comelec Commissioner Virgilio Garcillano patungong Singapore noong Huwebes ng gabi.

Ipapatawag ng BI si Capt. Arthur Santos, ang piloto ng Subic Air Charter na may tail no. Rp-C4126, na naghatid kay Garcillano at 2 iba pa patungong Singapore.

Hindi naman dumaaan sa normal na proseso si Garcillano kaya wala itong departure record bagama’t kinumpirma ng PNP-Aviation Security Group at Air Transportation Office na umalis ang nasabing eroplano pero hindi matiyak kung sakay nito ang dating Comelec official. (Ulat nina Butch Quejada/Grace dela Cruz)