Dennis nagpasalamat kang Coco

CEBU, Philippines — Nagpasalamat ang Kapuso actor nga si Dennis Trillo ngadto sa Kapamilya actor nga si Coco Martin. Matud pa ni Dennis nga ni-like si Coco sa iyang Instagram post  mahitungod sa seryeng Cain At Abel.  Nasayran nga ka-kompetensya sa Cain At Abel ang show ni Coco nga  Ang Probinsyano.

MTRCB mitingog

Gitataw  sa chairperson sa   Movie Television Review and Classification Board (MTRCB) chairperson nga si Rachel Arenas  nga dili sakop sa iyang ahensya  ang pagmando sa production team sa usa ka serye nga usabon ang dagan sa istorya niini.  Kahinumdoman nga gireklamo sa Philippine National Police (PNP) ang serye ni Coco Martin nga Ang Probinsyano gumikan sa dagan sa istorya niini diin nigawas nga kontrabida ang mga polis.

Wala maapil

Wala manumabaling si Janno Gibbs sa mga tawo nga nag-react sa iyang mensahe kalabot sa wala pagkalakip niya sa Christmas Station ID sa ABS-CBN.  Nasayran nga nasagmuyo si Janno sa wala niya pagkalakip sa Christmas Station ID. “Let me be clear. I don’t mind waiting for work. Pinag-uusapan natin dito is that I signed up w Star Music and I think that entitles me to their Station ID as one of their singers,” suma pa sa iyang social media post.

Maglikay sa away

Tsika pa ni Solenn Heussaff nga naglikay sila sa iyang bana nga Nico Bolzico nga mag-away tungod  sa kuwarta hinungdan nga dili gyud sila manghilabot sa usag-usa mahitungod sa ilang indibidwal nga tinigom. Ang labing importante nga magtinabangay sila og gasto sa ilang mga kinahanglanon sa balay.

Recipe of Love

Mosikad na karong adlawa sa mga sinehan ang pelikulang Recipe of Love nga gibidahan nila ni Christian Bables ug Cora Waddell.  Si Jose Javier-Reyes ang direktor sa maong pelikula nga gidumala sa Regal Films.

Mibarog nga amahan

Todo pasalamat si  Lian Paz ngadto sa iyang hinigugma nga si  John Cabahug gumikan kay nihatag gyud kini og saktong pagpangga sa iyang mga anak.  Nasayran nga si  Paolo Contis ang amahan sa maong mga bata.

Gikagat ang concert

Nagmalampuson ang concert nila ni Matteo Guidicelli ug Carlo Aquino sa Music Museum sa miaging gabii. Suma pa nga giabibahan og maayo sa mga tawo ang ilang mga performance. 

Mobisita sa simbahan

Kanunay gyud mobisita si Kim Chiu sa mga simbahan sa mga lugar nga duna siya’’y show.  Mapasalamaton si Kim sa Kahitas-an gumikan sa maayong dagan sa iyang career.

Sweet kaayo

Suod kaayo sila si Alden Richards ug Andrea Torres busa wala’y malisya alang kanila ang ka-sweet nila  sa usag-usa. Nagkauban sila si Alden ug Andrea kaniadto sa pantaserye sa GMA-7 nga Victor Magtanggol.