That moment nga aduna nay bag-o...

CEBU, Philippines — Someone came along and you were left alone. Bitaw uy, dili ni gugma-gugma atong hisgutan ron but about friendship, relationship. Kana bitaw’ng moment nga managhigala mo, nya naay laing maila-ila imong amiga or amigo, nya ikaw, mawagtang dayon sa eksena. Dili ni akoang istorya, apan maka-relate ra sab ko ani. Pakkk!

I have a friend. Naa siya’y friend. Dungan sila nga naningkamot.  Naggunitay sila sa ilang mga kamot aron makab-ot ang ilang tinguha alang sa umaabot. Ug pag-abot sa higayon nga ilang gipaabot, goodbye bunot na akong friend, kay laing kamot na ang nagkupot sa iyang friend. Yes, just like that. Aguy!

Ang iyang friend, adunay mga bag-ong na-friend. Gi-itsapwera siya sa tumang kasayon. Suddenly, siya nay dautan, ug sila nay husto. Wala na siya masayud asa ug unsaon niya pagsugod og bag-ong kinabuhi. So karon, siya na lang usa. Naglibog. Nagsangkiig. Naningkamot nga makabarug.

Maka-relate mo? It happens all the time. So unsay imong buhaton sa sitwasyon nga ingon niini? Well, of course maguol gyud ka. Maguol ka maghunahuna nga gi-itsapwera ka kay wala na kay gamit ug dili na ka magamit pa nila. Makaingon gyud ka’g human sa tanan, mao ra diay ni samputanan. Mag self-pity gyud ka.  Musulod sa imong hunahuna nga perte nimong paningkamot apan biyaan ra diay ka, ibalewala ra gyud diay ka kun dili na ka kapuslan. Pakkk!

Sige go with the flow sa imong gibati. Ipabuhagay ang tanan nga naa sa imong kasingkasing, hangtud nga wala na kay ma feel. And this is the time that you will move on.  I think in everything, mao man gyud na imong dapat buhaton. Inay magmaoy ka, kinahanglang imong buhian, isalibay ug ilubong ang kun unsa man nga pagbati nga nag-aliwarus diha sa imong dughan.

Apan ayaw og kaguol kay sa friendship wala may ending. Dili man mo magbuwag. Yes, friends don’t break up. So distansya lang sa ka, magpasiplat sa halayo. Of course bisan og dili na kamo maoy suod, bisan og na itsapwera na ka, dili sab gyud nimo mahimong kalimtan ang imong higala. That’s true friendship. You stay away, keep some distance kun malipayon ug malampuson imong higala, and you come closer kun tabangunon siya. Bisan nahiubos pa ka og maayo sa imong friend, bisan nasakitan pa ka sa hilabihan tungod kay gi-itsapwera ka, ang tinuod nga higala dili makaako nga pasagdan ug talikdan sa hingpit ang maong higala nga maoy nitalikod niya.  Pakpak!