Himoan og sequel
Sanden J. Anadia (Banat) - January 18, 2016 - 9:00am

CEBU, Philippines – Tungod sa kalampusan sa Haunted Mansion sa miaging Metro Manila Film Festival, nagplano ang Regal Films  nga himoan og sequel ang maong pelikula. Ang Kapamilya star maoy bida sa Haunted Mansion.

Selos gamay

Giangkon ni  Gretchen Ho nga duna’y mga higayon  nga magselos siya gamay kang  Alex Gonzaga kinsa co-host sa iyang uyab nga si  Robi Domingo sa Dance Kids apan mawala ra kini dayon gumikan kay nakasabot man siya sa trabaho sa showbiz.

Kondisyon

Kung si Maine Mendoza ang pangutan-on, ganahan siya og lalaki nga taas og pasensya  ilabi na sa mga modiskarte kaniya.  Giingong dili maglisod si Alden Richards  niini kung mahitabo man kini sa tinuod nga kinabuhi.

Coco ganahan mag-direktor

Nagplano si Coco Martin nga mo-direk og indie film. Suma pa sa aktor nga ganahan siya nga i-apply ang mga ideya nga naa sa iyang hunahuna.

Motabang ni papa

Kung bakante ang oras ni Luis Manzano, iyaha gyud nga kuyogan ang iyang amahan nga si  Edu Manzano sa pagtikang sa nagkalain-laing dapit sa nasud. Magpapili si Edu pagka-senador.

Bunyagan sunod buwan

Gibutyag ni Dingdong Dantes nga sunod buwan pa bunyagan ang anak nila ni Marian Rivera nga si Letizia. Gihan-ay pa sa magtiayon ang listahan sa mga pangalan alang sa mahimong ninong ug ninang sa bata.

Doble ang proyekto

Mapasalamaton kaayo si Ara Mina sa TV5 gumikan kay kasamtangang nagdoble ang iyang  mga proyekto sa maong network.  Gawas nga inahan siya ni Mark Neumann sa programang Tasya Fantasya, siya usab ang inahan ni Richard Guttierez sa Ang Panday.

Makatikang bisan asa

Wala’y kontrata si John Arcilla sa bisan asa nga network busa dili siya maglisod og dawat kung duna’y proyekto nga itanyag kaniya. Makita kasagaran si John sa mga serye sa ABS-CBN, apan niining higayona, matan-awan siya sa bag-ong serye sa GMA-7 nga That’s My Amboy.

Snake Princess “One day, One Eat”

Pit Senyor mga SKB! Sigurado gyud ko nga gipangkapoy mo ron, apan malipayon, human mo nirampa sa kadalanan niadtong Domingo. Speaking of Sinulog, unang higayon nga nakatikang sa Sugbo ang nisikat o sikat na sa Facebook isip MarkSerye nga ang bida kay walay lain kun dili si Snake Princess. Kinsa man si Snake Princess? Asa man siya gikan? Nganong gitawag man siya og Snake Princess? Bitin ba siya og batasan? Hahahahhaha!

Tungod kay daghan man kita’g mga BisChikadora, aduna kitay kahigayonan nga nakontak ang nag-iisang Snake Princess ug ato kining naBisChika pinaagi sa social media.

Si Mark Anthony Abucejo o mas nailhan nga Snake Princess kay 17 years old ug taga Tubigon, Bohol.  Ang iyang kinabuhi dili ingon ana kasayon, kay sigon pa niya para makatabang sa iyang pamilya kinahanglan  niya magbunot og lubi para kupras ug magbaktas og layo aron lang makakwarta.

Ang BisChika sa akong amiga nga si Christian Ray Millanes nga usa sa mga tig-upload sa iyang mga videos kay lingaw-lingaw lang nila, apan wala nila damha nga nag-viral ang ilang videos. Gumikan usab sa kalisod ug aron matabangan ang iyang pamilya, paapilon niya og beauty pageants si Snake Princess.

Yuri : Nganong gitawag man ka og Snake Princess? Snake  Princess : Mao man ang akong ganahan nga cartoon character sa One Piece

Yuri : Nag eskwela pa ba ka?

SP: Wala na tungod sa tumang kalisod. Grade 3 ra ko taman

Yuri :  Kinsa man gyud na si Mark?

SP :  Si Mark kay akong crush nga taga Tubigon, Bohol.

Yuri :  Asa man pud mo nagkita ni Mark?

SP:  Sa Plaza (sa Tubigon ),  sa parlor ug sa ilang balay.

Yuri :  Unsa man ang imong buhaton kung makit-an nimo si Mark nga naay laing kuyog nga parehas nimo?

SP:  Ok ra man nako basta wala silay gibuhat nga dautan.

Yuri : Unsay mensahe nimo kay Mark?

SP: Love kaayo ta ka Mark!

Yuri :  Kinsa man ang nag upload sa imong mga videos sa Facebook?

SP: Ang akong friend nga si Donal Rabina Ejoc, Christian Ray Millanes ug si Nauie Infesto Orcullo

Yuri : Unsa man ang imong plano nga nailhan naka sa mga tawo pinaagi sa Facebook?

SP: Akong plano kay kung naay motabang nako sa akong pag-eskwela ako kining padayonon ug motabang sa akong pamilya

Yuri :  Unsa man ang imong damgo sa kinabuhi?

Snake Princess: Nga dili maglisod ang akong pamilya, kay usahay sa usa ka adlaw ka usa ra mi makakaon.

Sa pagkakaron ang mga amiga ni Snake Princess ang nahimo niyang gitawag nga manager kay duna nama’y mukuha niya para mo-perfrom o mahimong bisita. Naay talent sa pagkanta ug rampa si Snake Princess infairness! Hihihi! “Nagpasalamat gyud ko’g dako sa akong mga amigang mga bayot nga nitabang nako, dili gyud ni nako makalimtan,” panapos ni Snake Princess.

Sa mga gusto mokuha ni Snake Princess para sa inyong event o gusto motabang kontaka lang si Maue – 0930 2418951 ug Christian – 0928 5433292.

Xian nakahilak sa mensahe nila ni Angel ug Vilma

Nahimong emosyonal si Xian Lim human midepensa kaniya sila si Governor Vilma Santos ug Angel Locsin kalabot sa mga isyu nga gibato kaniya.

Kahinumduman nga duna’y mga nikuwestyon sa pagkalakip ni Xian sa pelikula nila ni Vilma ug Angel nga Everything About Her.

Ang direktor mismo sa maong pelikula nga si Bb. Joyce Bernal ang nipadayag nga natarong og portray ni Xian ang iyang role sa maong pelikula.

Samtang si Vilma sa iyang bahin, niangkon kini nga masakitan pud siya og apil kung duna siya’y madunggan nga negatibong isyu kalabot kang Xian nga gihulagway niya nga buotan nga aktor ug maayo usab kini mo-arte.

"Nasasaktan ako may naririnig akong negative kay Xian. I was trying to observe him kasi hindi ko pa alam ang approach sa kanya. Story conference pa lang, he is such an educated person. Napaka-edukado. Nasasaktan rin ako. Binabantayan ko siya kasi magka-eksena kami. May mga negative na write up, 'Si Xian bakit siya nakasali sa movie?'  My God, after niyo mapanood ang movie, ipagmamalaki niyo si Xian Lim,” suma pa ni Ate V.

Si Angel sa iyang bahin,  nipadayag nga maayo katrabaho si Xian , mapaubsanon ug edukado kini nga pagkatawo.

"Sa totoo lang, mabait ka palang kasama. He's very humble and very educated.

Tina-try niya kami kausapin lahat. Xian, pag lumabas itong pelikula, ipanood mo sa mga bashers mo. You're really good dito sa film na ito. Naaawa ako kay Xian pag may nakikita ako sa Instagram account ko na, 'Sana hindi si Xian. It's very unfair kay Xian na bakit siya ang nilalagay sa spotlight,” saysay pa ni Angel .Samtang  naminaw sa gipanulti nila ni  Vilma ug Angel, nagtubod ang mga luha ni Xian.

The Bam!

Gusto ni Anna Fegi nga makapaambit sa iyang kaalam sa  musika  busa buot niya nga samotan ang pagpalambo sa talento  sa mga tawong mahiligon sa musika.

Nagbase na karon si Ana dinhi sa Sugbo ug kontento na siya sa dagan sa iyang kinabuhi uban sa iyang bana nga si Adam Brown. Ang magtiayon maoy nagpadagan sa bag-ohay lang nga nibukas nga  Brown Academy of Music (BAM) diha sa  2nd floor sa Northgate Centre sa  Banilad. Suma pa sa singer nga ubay-ubay na ang nagpa- enroll kanila ug bilib gyud siya sa mga Sugbuanon gumikan kay  duna gyud kini determinasyon nga  palambuon og maayo ang ilang talento  sa pag-play og gitara, piano, drum ug uban pa nga musical instruments.

Nag-una usab sa maong tunghaan ang voice lesson aron makakuha pa og daghang technique sa pagkanta.

Nagkanayon si Anna nga duna gyud sila’y gipang-hire nga mga  magtutudlo  nga matud pa dili basta-basta aron segurado gyud nga duna’y makat-onan ang ilang mga tinun-an.

Bisan sa ka-busy ni Anna sa ilang negosyo, nagpabilin siya nga visible sa nagkalain-laing kalihukan sama na lang sa hugyaw niya nga performance sa Sinulog 2016  atol sa Best of Cebu diha sa Cebu City Sports Center niadtong Domingo.

Niabiba pag-ayo ang mga tawo sa grandstand sa dihang giawit niya ang Duyog ug ang Girl on Fire.

Kathniel gitambagan ni Echo

Dako na og napamatud-an si Jericho Rosales sa 20 ka tuig na niya sa showbiz ug wala gihapon mahupas ang kabanggiitan niya sa pag-arte.

Nagbaha karon ang mga loveteam sa showbiz ug usa na niini ang mga bida sa remake sa Pangako Sa ‘Yo nga sila si Kathryn Bernardo ug Daniel Padilla ug nihatag siya og  tambag niini ug sa uban pa nga magka-loveteam.

Kahinumduman nga sila si Jericho ug Kristine Hermosa ang mga karaang bida niini.

Matud pa nga dili kinahanglan nga ma-develop dayon sa imong screen partner.

"Number one I would advise you not to fall in love with your partner. But then if you fall in love, okay lang din. Please know that the love team is made for TV and film and kumbaga hindi siya ginawa for real life. But then if you fall in love, which is always the case, okay lang. Enjoy the moment. But I would suggest that you look beyond what you guys do every day as actors. Look beyond that,” saysay pa ni Echo sa interview niini sa Push.com.ph.

Gipadayag niya nga kung dili man gani malikayan nga ma-develop sa ka-loveteam  ug mahuna-huna nga ganahan na makatukod og pamilya, kinahanglan mosubay  sa  saktong pamaagi.

"If you’re of age and feeling mo you want to, ‘Oh my god I love her so much I want to start a family and impregnate you!’ .  I would suggest get married first. But before you even get married, mag-counseling muna kayo and do one hundred questions and ask every possible questions that you can ask. Tinuro sa amin ng pastor namin ito. All the awkward and uncomfortable questions ask each other. Non-work related questions, belief, religion and everything. Then get married kung sa tingin niyo compatible kayo. But then if you guys are just dating, okay lang walang problema,” dugang pa niya.

ACIRC ANG KAY MAN MGA NBSP NGA SIYA SNAKE PRINCESS STRONG XIAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with