Second Chance
OK RYAN - Ryan Mark (Banat) - August 15, 2015 - 10:00am

Rosenda, Rosario, Rosemarie. Mao kini ang mga ngalan ni Claudine Barretto, sa labing unang teleserye sa telebisyon nga akong mahinum-duman nga tulo ka buok ang karakter sa bida. Ang titulo niadto kay Saan Ka Man Naroroon? Didto gayud napakita unsa ka lig-on ang abilidad ni Claudine isip artista gumikan kay siya’y bida ug siya ra sab ang kontrabida. Dili ko fan niya, pero nagsunod ko niadtong teleserye didto sa Pilar, Camotes mga pipila ka tuig na ang nilabay. Labihan ka sikat niadtong maong teleserye ni Claudine sa ABS-CBN, hinungdan nga aduna kami mga baka nga nga gigalam kaniadto sa akong iyaan nga nipanaw na, si Iya Rowena, nga ginganlan niya og Rosenda, Rosario, ug Rosemarie. Pakkk! Sa una ra kaayo to, wala na mi baka karon. Hahaha!

Ug lagi nagsunod man gyud ko adtong maong serye, nitan-aw na lang sab ko og Got To 2 Believe, Milan, Bakit Labis Kitang Mahal, katong movie niya with Aga Muhlach. Pero nipakpak gyud ko og maayo ka’ng Claudine sa ‘Anak” with Star for All Seasons ug Governor Vilma Santos. Pakkk!

Si Claudine usa sa mga labing banggiitan nga artista sa iyang henerasyon. Dili gyud nimo mabalewala ang iyang abilidad sa pag-arte. Nagtulibagbag man ang dagan sa iyang karera sa paglingid sa daghang katuigan, hangtud nga nagkabuang usab ang iyang personal nga kinabuhi, ang kamatuoran magpabilin nga tugod gayud siya sa abilidad kun pag-arte na ang hisgutan. Magpabilin gayud nga aduna siya’y luna sa showbiz.

Hinungdan nga malipayon ko nga nakabasa sa instagram post ni Kris Aquino niadtong Huwebes nga labihang nakadayeg kang Claudine human og shoot nila sa usa ka bug-at kaayo nga eksena sa umaabot nila nga pelikula sa Star Cinema, ang “Etiquette for Mistresses.”  Claudine is soo back! Makita man sab sa iyang dagway karon nga happy na siya. Nindot na siya og aura, aduna nay glow.  Pakpak!

Unsa may punto niining okRYAN karo’ng adlawa? Simple lang. Bisan unsa pa ka ngiob sa imong kinabuhi, bisan pa man og magbaha ang mga suliran, ug hapakon ka man og mga unos sa makadaghan, mulahutay gayud ka basta dili ka magpakawala sa paglaom. Basta musalig lang gayud ka sa Kahitas-an, makabarog ka gayud gikan sa imong pagkahagba.

Labihan ka negatibo ni Claudine og imahe sa nilabay’ng pipila ka mga tuig uy. Murag puros na lamang siya kayugot, pagdumot ug pagpakalambigit sa kagubot. Apan nakakat-on siya pagpasaylo ug subling nipahiyom kaniya ang maayo’ng kahigayonan. Ang pagpasaylo dili basta-basta nga mahitabo, taas pa kini og proseso ug dili nimo kana maangkon kun dili lig-on ang imong relasyon sa Ginoo. To forgive takes a lot of time and prayer, ilabi na kun nasakitan ka og maayo.

Welcome back Claudine Barretto, the Optimum Star! Pakpak!

Pangitaa ko sa Facebook: Libertine_real88@yahoo.com

ACIRC AGA MUHLACH ALL SEASONS ANG BAKIT LABIS KITANG MAHAL CLAUDINE CLAUDINE BARRETTO DILI GOT TO NGA SIYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with