Rayver ug Cristine nag-date

CEBU, Philippines - Nag-date  ang kanhi mag-uyab nga sila si Cristine Reyes ug Rayver Cruz sa usa ka restaurant didto sa Dubai.  Giklaro hinuon sa duha nga wala sila nagbalik og close friends lang gyud sukad sila nagbuwag niadtong 2012. Kahinumduman nga lakip ang duha sa Kapamilya stars nga nitikang sa Dubai dili pa lang dugay alang sa programang sa ASAP.

Espesyal nga adlaw

Bisan pa man nga napuno sa bun-og ang iyang lawas, gipadayag ni Vhong Navarro nga espesyal kaayo ang iyang Valentine's Day gumikan kay kauban niya ang iyang girlfriend nga si Tanya Bautista kinsa wala gyud mobiya sa iyang kiliran luyo sa mga kontrobersya nga iyang gisudlan.

Jen pangulitawhan ni Luis

Giangkon ni Luis Alandy nga ganahan siya sa aktres nga si Jennylyn Mercado ug giingong taud-taud na siya nga na-crush niini. Suma pa ni Luis nga wala'y dautan kung pangulitawhan niya ang aktres gumikan kay susama man sila nga single. Taud-taud na nga nagbuwag si Luis ug iyang girlfriend nga nagbase didto sa Canada gumikan kay wala sila makaantos sa long distance relationship.

Dili ka-afford

Giangkon ni  John Lloyd Cruz ang pagpanuroy nila ni  Angelica Panganiban sa balay ni Willie Revillame sa Tagaytay.Apan iyang gihimakak ang report nga matud pa iyang paliton ang nahisgutang property ni Willie. Suma pa ni Lloydie nga  segurado siya nga dili siya ka-afford sa maong balay sa TV host.

Special guests

Gikatahong mag-uban sa usa ka song number ang gidungog nga mag-uyab nga sila si Matteo Gudicelli ug Sarah Geronimo sa umaabot nga concert nila ni Regine Velasquez ug Martin Nievera ugma sa gabii nga nag-ulohan og Voices og Love.

Sunshine gianugonan

Gianugonan og maayo si Sunshine Dizon gumikan kay dili siya madayon sa indie film nga pagabidahan unta ni Nora Aunor nga dugay na niya nga gustong makauban sa usa ka proyekto. Suma pa ni Sunshine nga dili magkatakdo ang iyang schedule sa shooting sa maong pelikula.

Pagsalig

Tsika pa ni Jackie Rice nga lima na sila ka tuig sa iyang non-showbiz boyfriend apan wala gyud mahitabo nga hapit sila magbuwag gumikan kay duna man sila'y salig sa usa’g-usa.

Road trip ang tirada

Lahi ang tirada nila ni Aljur Abrenica ug Kylie Padilla sa pagselebrar sa Valentine's Day ugmang adlawa. Nagplano ang duha nga mag-road trip sa bisan asa nga lugar nga magdepende sa ilang mahuna-hunaan.

Tambongan ni Regine

 Malipayong gipahibalo ni Rachelle Ann Go nga lakip sa mahimong guest sa iyang  Miss Rachelle Send-Off Concert  mao ang Asia's Song bird nga si Regine Velasquez. Nagpasalamat si Rachelle kang Regine gumikan kay misanong dayon kini sa iyang hangyo. (Sanden J. Anadia)

Dili type si Drew?

Supak ba ang igsuon ni Iya Villania kang Drew Arellano? Mao kini pangutana sa mga netizen human ang igsuong babaye ni Iya nag-upload sa instagram og hulagway sa actress/host nga may caption nga maanyag  matud pa kini nga bride, mas nindot unta kun ang groom susama niini og calibre.

Hilas ka Billy!

Daghan ang nisupak sa gibutyag ni Vice Ganda nga gipasidan-an matud pa ni Billy Crawford si Yael Yuzon nga kinahanglang dili niini binuangan si Karylle. Wala matud pay angay nga mupasidaan si Billy sanglit, siya mismo nagbinuang sa relasyon nila ni Nikki Gil kaniadto.

Innamorata theme song

Si Jonalyn Viray maoy nikanta sa theme song sa "Innamorata" ang umaabot nga afternoon prime serye sa GMA-7 nga bituonan ni Max Collins ug Luis Alandy. Ang nahisgutang serye maoy labing dakong break ni Max ug isalida na sa dili madugay.

Starting Over Again

Usa si Angelica Panganiban sa mga excited nga nitan-aw sa pagbukas sa mga sinehan sa pelikulang Starting Over Again starring Piolo Pascual ug Toni Gonzaga kagahapon. Suma pa niya Martes pa siya nagpalit og ticket kay excited na siya nga makilig, mukatawa ug muhilak.

"Puso Ang Una"

Nipirma og tulo ka tuig nga exclusive contract si Yasmien Kurdi sa GMA Network niadtong Martes. Suma pa ni Yasmien nga magpabilin gyud siya sa GMA-7 sanglit sa maong network siya nagsugod. Malipayon  sab matud pa siya sanglit sa maong network "Puso ang Una."…Ryan Mark

Andrew Wolf nangulata

Nalambigit ang model-athlete nga si Andrew Wolf sa pagpangulata ngadto sa 58 anyos nga si Alfredo Baguno sa miaging adlaw . Nasuko matud pa si Andrew gumikan kay naatrasan ni Baguno ang iyang sakyanan hinungdan nga iyaha kining  nakulatahan. Pag-abot sa presinto naareglo ra pud ang duha  ka kampo.

Single gihapon

Nakugang si Melissa Ricks sa taho nga matud pa nga duna'y laing Kapamilya star ang nidiskarte kaniya. Suma pa sa aktres nga wala pa'y nangulitawo kaniya sukad sa miaging tuig.

Yassi giintriga

Gikataw-an  lang ni Yassi Pressman ang taho nga matud pa nga iyang gidedma ang iyang ex-boyfriend nga si Sef Cadayona sa dihang nagkaabot sila sa usa ka show. Suma pa ni Yassi nga wala pa gyud sila nagkakita og balik ni Sef sukad sila nagbuwag.

Melai gimingaw sa Banana Split

Tsika pa ni Melai Cantiveros nga gimingaw na siya pag-ayo sa programang Banana Split sa ABS-CBN. Giingong dili dayon makatrabaho si Melai sa higayon nga iyaha na nga ihimugso ang iyang gisabak gumikan kay ganahan siya nga mangunay og atiman sa iyang anak.

Loyal sa uyab

Gibutyag ni John Prats nga dili gyud siya molingi og laing babae ug mo-focus ra siya sa iyang uyab nga si Isabel Oli. Gikatakdang kaslon ang duha sulod karong tuiga. ( Sanden J. Anadia)

Mar ug laing babaye?

Kining maong hulagway matud pa iya ni Secretary Mar Roxas nga giingong kuha didto sa Roxas City duha na ka tuig ang nilabay. Penetsahan og April 14, 2012, suma pa sa www.getitfromboy.blogspot, kining maong "scenic river cruise" nahitabo didto sa Espacio Verde Resort sa Roxas City. Ang pangutana matud pa kinsa kining maong babaye nga kauban sa nahisgutan nga sakay niining bangka nga igo lamang og duha ka pasahero, nga dili man matud pa kini ang asawa sa kalihim nga si broadcast-journalist Korina Sanchez. Gibutang sab sa nahisgutang blogsite nga kining maong hulagway gipanag-iya sa ginganlan og JeynRosEndal.

March 21 ang Yael-Karylle Wedding

Ginganlan na nila ni Karylle ug Yael Yuzon ang mamahimo nilang ninang ug ninong sa umaabot nila nga kasal sunod bulan.

Suma pa sa Push, ang kasal ipahigayon sa usa ka pribado nga resort sa Tagaytay karong March 21.

Dugang pa nga ang ilang principal sponsors maglakip sa "It's Showtime" co-host ni Karylle nga si Kim Atienza kauban pud sila si Kris Aquino, Sharon Cuneta, Jose Mari Chan, Ricky Reyes, Ryan Cayabyab, Gary Valenciano ug Marixel Laxa. Ang taho sa Push nagkanayon sab nga ang inahan ni Karylle nga si Zsa Zsa Padilla mukanta og "Pagmamahal Na Walang Wakas" atol sa kasal.

Una niini, nagpasalamat si Karylle sa iyang "It's Showtime" family, gumikan kay daghan matud pa siya og nakutlong pagtulun-an. Gipadayag niya nga mapasalamaton kaayo siya kang Atienza gumikan kay mao kini mananambag kanila ni Yael.

Para kang Atienza "'Di nakikita ng ibang tao, pero 'yung mental level nilang dalawa, they love to talk for hours, analyze nang analyze nang analyze. Bagay na bagay talaga silang dalawa."

Parang sa "Matanglawin" host swerte kaayo si Yael kang Karylle. "Napakaswerte mo talaga. Kung may mas maswerte doon sa dalawa, maswerte ka Yael."

James gipanalipdan ni Kris

Gidepensahan  ni Kris Aquino ang kanhi niya bana nga si  James Yap kalabot sa akusasyon  nga matud pa  gibaligya sa  sikat nga PBA player ang Game 6 sa Philippine Basketball Association (PBA) semifinals.

Sa katapusang  segundo sa maong duwa sa  San Mig Coffee ug  Ginebra San Miguel Kings niadtong Lunes, February 10, nagsagunson  si James sa iyang loose ball foul ug wala mosaler ang iyang 3-point shot.

Napilde ang grupo  ni James nga San Mig Coffee sa Ginebra San Miguel Kings sa score nga 94-91.

Gumikan niini , himoon ang  do-or-die battle tali sa duha ka grupo  aron mahibaw-an  kung kinsa ang masulod sa finals.

Gumikan niini , giatake pag-ayo sa pipila ka PBA fans  si James ug gitudlo nga maoy rason sa ilang kapildihan.

Apan sa programa ni  Kris nga  Aquino And Abunda Tonight sa ABS-CBN niadtong Martes sa gabii, dali nga nakadepensa ang TV host sa kanhi niya hinigugma.

 "Sa matagal na panahon na kilala ko si James Yap, at nakilala ko ang buong pagkatao niya, hindi niya gagawing magbenta ng laro dahil buong buhay niya, ibinuhos niya for that," nagkanayon si Kris.

Komedya pa sa TV host, "He's gonna love me for this. Matutuwa siya dito sa sinasabing ko 'to."

Gikwestyon ni Kris ang mga tawo nga nangatake kang James.

 "Game 5, they won because of James Yap. A three-pointer, 'di ba? Siya yung hero. Bakit ganun?," dugang pa niya.

Suma pa niya nga wala'y igong rason nga ibaligya ni James ang maong duwa gumikan kay dako na daan ang kita niini sa kontrata sa iyang grupo.

 "As somebody who used to read the contracts of James Yap, pag pumasok sila sa finals, kahit anong benta ang sinasabi nila, matutumbasan yun ng kikitain nila by making it to the finals.Ganun kalaki ang kontrata niya.There's no reason for him to sell the game.And at the end of day, you are as good as your last game.So tomorrow, good luck, James," nagkanayon si Kris.

Roy Alvarez mipanaw na

Mipanaw na ang 63 anyos nga character actor nga si Roy Alvares niadtong Martes gumikan sa atake sa kasing-kasing

 Gawas sa iyang pagka-aktor , usa pud si Roy ka  director , scriptwriter  sa pelikula ug  sa teatro.

Environmentalist usab ang aktor kung diin nagawas na siya sa laing laing nasud aron ipaambit ang saktong pag-atiman sa kalikupan.

Nalakip usab siya sa afternoon soap sa GMA, ang Villa Quintana, nga gibidahan nila ni Elmo Magalona ug  Janine Gutierrez.

Nalantawan usab siya sa  hit primetime series nga My Husband's Lover, kung diin midala siya isip amahan ni  Keempee de Leon.

Nakagawas na usab siya niado sa Unforgettable, Alice Bungisngis ,and Her Wonder Walis, ug Pahiram Ng Sandali. (BANAT NEWS)