“Branded”
Few days ago may nabasahan ko nga Facebook post nga nagpadayag nga pasensya na kay wala siya gipakatawo with a silver spoon on her mouth or something. In other words, dili siya adunahan hinungdan nga dili mga mahalon ang iyang mga gamit. Wala nako gi-chat ang nag-post but I understood nga murag may nakamenos niya, hinungdan nga gipaagi na lang niya og Facebook post ang iyang reaksyon. But that post made me think: So what if dili mahalon o branded ang mga gamit o mga sinena ug uban pa? For me, it does not really matter and it should not be an issue. None at all! Pakkk
But at the same time, nasayud ako nga kay mibukas na man ang klase, issue gayud kana nga sa mga teenager karon ilabi na nga mga college students. Bisan man gani ang mga elementary magtandiay naman gani sa mga brand sa ilang bag ug school supplies, sapatos ug uban pa nga mga accessories. Labihan na ka dako sa kalainan karon. Hinungdan nga mikatap pud ang daghan kaayo nga imitation gumikan pud sa pagka tigpakaaron ingnon sa tawo ug sa pagka uhaw niya sa mga material nga butang.
Apan for me, dili gayud importante kun branded man o dili ang imong mga butang. Ug ang kanang mga hilason diha nga mga katkatira (social climbers) nga magpa ka naa gayud bisan wala diay toy ikabuga ug manghinaway pa sa mga butang sa uban, mang-look down pa sa mga tawo nga dili intawon makasarang, paghilum mu diha! Kay kun wala pa kamo masayud, dugay ra kaayo ko nga nabungog sa kamautoran nga it’s not how expensive your clothes are or who designed your bags and accessories, it’s always about how you carry them. Kay unsaon manang branded kun wala kay angay? Mao bitaw na nga sa evening gown competition sa mga beauty pageant, dili ang kaninduton sa gown nga gisul-ob sa kandidata maoy tan-awon, kundili giunsa nimo pagdala, haom ba sa imong lawas ug dagway. Mao na diha nga ayaw mo og gara gara kay wala ra gyud nay kwenta nang branded or dili imong gisul-ob! Again, bisan og ka-afford pa ka, meaning dili ka katkatira, mubalik ra gyud gihapon kita sa pangutana: Unya angayan kaha ka? Pakkk!
Honestly wala ko’y branded nga mga butang. Dili ko hilig ana. Dili pud ko ka afford. But even if I’ll have the money to spend, dili gihapon ko mupalit kay wala man ko maanad ana. Nagtubo ko nga musunod sa mga tinubuan nga sapot sa mga ig-agaw ug paryente. And I’m a product of a simple and peaceful loving family. Samtang nagsuwat ko niining maong column kagahapon sa hapon, ang shirt nga akong gisul-ob was only P99 pagpalit nako last December. Yet, kadaghan nako nakadungog nga nindot akong shirt, angayan ko sa akong shirt. I have two long sleeves nga nagtuo akong friends nga branded but the truth is P250 each ra to pagpalit na ko from a Korean store in downtown. Kitams? In short, I go for mga unknown brands nga dili imitation which would look good on me and would suit my simple lifestyle. Pakpak!
***
Hi okRYAN. Good day…Tears of sadness jod ang last tears nako kay everytime makadungog ko sa name sa ako mama mahurt jud ko,gibawi naman gd cya ni God mag 2 yrs na…Janet of Toledo City…092314381**
Good day Ray. I am one of ur avid fans…I like ur column sa Banat. Ang last luha nga mitulo sako mga mata, luha sa kasakit. But I realize nga every mistake has its own correction, every sadness has its own reason, every tear has its own explanation, every heartbreak has its own history but whatever it is always remember that at the end of this I end up learning…Engrid Villegas, G.H. del Pilar Catarman N Samar…092941794***
Hi ryan! Ang katapusang luha nga melugwa sa akong mata kay luha sa kadasig tungod sa akong nabasahan sa imong lindog nga nag-ulohan LUHA. God bless…Jake Polinag, Poblacion, Borbon Cebu….0933673****
Congraz ryan xa tanan wla jud nimo gitago ang imong mga kaagi sa una…juaymah of Sogod…0935119****
Reaksyon? I-text ka na, dungan sa imong ngalan ug address ngadto sa 0939-131-6599 sa dili pa ang 12 noon karong adlawa, June 6, 2013. Magdungog gihapon kita pinaagi sa okRYAN sa dyRC..Radyo Calungsod 648 kHz., 10am to 12 noon, Mondays to Saturdays.
Pangitaa ko sa Facebook: [email protected].
- Latest
