Team Pacquiao wa'y interes ni Crawford
CEBU, Philippines – Giklaro ni MP Promotions president Sean Gibbons nga walay apil sa ilang lista si undefeated welterweight Terence Crawford sa posibleng sunod makontra ni Manny Pacquiao.
Kini ang reaksyon ni Gibbons human sa pamahayag ni Crawford niadtong Sabado diin gihagit niya si Pacquiao sa usa ka sangka.
Gihimakak usab ni Gibbons ang taho nga nagsugod na sila og sabot sa Top Rank Inc. nga maoy promoter ni Crawford alang sa usa ka 'unification bout' tali nila ni Crawford ug Pacquiao.
"We are not aware of plan for a Pacquiao-Crawford fight," matud pa ni Gibbons sa The Philippine STAR.
Nasayran, nga anaa na'y lista sa mga pangan sa mga fighters nga gipilian ang Team Pacquiao aron mamahimong challenger sa Pinoy ring icon sa sunod niining sangka.
Kini naglakip nila ni Danny Garcia, Shawn Porter, Mikey Garcia ug Errol Spence Jr.
Migimaw usab ang posibilidad sa usa ka 'mega fight' tali ni Pacquiao ug mixed martial arts superstar nga si Conor McGregor.
Wala pa'y konkretong plano ug detalye sa sunod sangka sa eight-division world champion, apan si Gibbons miseguro nga sa Hunyo o Hulyo mobalik og katkat sa ring si Pacquiao.
- Latest
