Guiao gikulbaan batok NorthPort
CEBU, Philippines — Gikulbaan karon si NLEX Road Warriors coach Yeng Guiao sa umaabot nilang duwa batok sa NorthPort Batang Pier sa quarterfinals sa PBA Governors' Cup nga sugdan sa Lunes didto sa Smart Araneta Coliseum.
Sa labing unang higayon, ang NLEX nakabaton og twice-to-beat advantage sa playoffs dihang ilang nasakmit ang no. 1 seed human sa elimination round.
Bisan pa sa ilang kadominante sa elimination, si Guiao miangkon nga lahi ra ang duwa inig abot sa playoffs ug kinahanglan nga pangandaman nila ang NorthPort nga misud sa quarterfinals isip No. 8 seed.
Bisan pa og aduna sila'y twice-to-beat advantage, gusto si Guiao nga agresibo iyang mga players aron sayo nilang madispatsar ang Batang Pier ug malikayan ang usa ka delikadong winner-takes-all nga Game-2.
- Latest
