No.9 ni Parker gi-retiro
Emmanuel B. Villaruel (Banat) - November 13, 2019 - 12:00am

CEBU, Philippines – Si French NBA star guard Tony Parker gihatagan og usa ka emosyonal nga pagyukbo kagahapong adlawa sa San Antonio Spurs, nga pormal nga miretiro sa iyang No.9 jersey sa usa ka mahinungdanong seremonyas human sa 113-109 nilang kaparotan batok sa Memphis Grizzlies didto sa AT&T Center sa San Antonio, Texas.

Sa edad nga 19 anyos pa lamang, si Parker mitaak sa poder sa Spurs niadtong 2001. Ubos sa paggiya ni coach Gregg Popovich, nakasakmit siya og upat ka kampiyonato sa NBA sud sa 17 ka seasons.

Mi-average siya og 15.5 puntos, 5.6 assists ug 2.7 rebounds sud sa 1,254 ka mga duwa. Human misikat uban sa Spurs, si Parker miduwa sa katapusan niyang kampanya sa liga sul-ot ang uniporme sa Charlotte Hornets.

“Thanks for all those years,” matud pa ni Parker. “It was a crazy ride.”

Gitabangan ni Parker ang Spurs nga makampiyon niadtong 2003, 2005, 2007 ug 2014. Siya maoy gibayaw nga 2007 NBA Finals MVP human siya mi-average og 24.5 puntos matag duwa sa dihang gi-sweep sa San Antonio ang Cleveland Cavaliers sa ilang best-of-seven finals.

PARKER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with