^

Banat Palaro

Pacquiao angayan na gyud moretiro

Emmanuel B. Villaruel - Banat

CEBU, Philippines — Sa panahon ni Mexican boxing legend Juan Manuel Marquez, angayan nang moretiro ang Pinoy nga kanhi niya karibal nga si Manny Pacquiao.

Dili malalis nga sila si Marquez ug Pacquiao mipatik sa usa sa labing dumot nga panagkaribal sa kasaysayan sa boksing. Gani upat ka higayon silang nag-engkuwentro sa mabulukon nilang karera.

Sikit kaayo ang nag-una nilang tulo ka sangka, apan gitay-og ni Marquez ang kalibotan sa boksing human sa makalisang niyang pagpatikangkang sa bugtong eight-division world champion sa ikaunom nga hugna sa ikaupat ug katapusan nilang panag-abot ibabaw sa ring niadtong 2012.

Ning bag-o  lang, si Marquez mikompisal nga midayeg siya sa gipakitang inawayan ni Pacquiao batok ni Keith Thurman kay bisan og nag-edad na kini og 40 anyos, paspas ug abtik gihapon kini og linihukan.

Apan gipahimangnoan ni Marquez si Pacquiao nga magmatngon sa mosunod niyang mga away ilabi na kay maigo na siya sa kanunay.

Alang ni Marquez, si Pacquiao kinahanglan na gyud nga mag-amping og maayo ug mas labing maayo nga lantawon niining opsiyon ang pagretiro ning puntoha sa iyang karera.

"I don't know if you noticed it but he received a lot of blows. Keith Thurman landed many punches and connected many punches with power. I don’t know what’s gonna happen with Manny for his career but he needs to care, he needs to take time and decide what’s gonna happen with his future because he received many, many punches," matud pa ni Marquez sa dihang nahinabi sa FightHub. (BANAT NEWS)

JUAN MANUEL MARQUEZ

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with