Governor's Cup mosikad na
Emmanuel B. Villaruel (Banat) - March 9, 2019 - 12:00am

CEBU, Philippines – Ang Talisay City Aquastars mosugod dayon pagdepensa sa ilang titulo batok sa Sibonga Pillars sa pagsikad sa 2019 Cebu Governor's Cup Inter-Cities and Municipalities Under 21 Developmental Basketball Tournament karong adlawa uban ang 17 ka mga duwa nga gikatag sa walo ka mga binyu sa nagkadaiyang dapit sa probinsiya.

Sa 41 ka partisipanteng LGUs (local government units), pito lamang ka mga koponan ang dili makaduwa sa buena manong aksiyon ning tulo ka bulan nga liga nga migahin og kapin sa P2 million nga ganting salapi alang sa mga mananaog.

Diha sa Talisay City Sports Complex, ang Aquastars nga nakampiyon sa miaging tuig bitbit ang perpektong 14-0 nga baraha ubos sa pagtimon ni Rey Michael Gurrea, mosikad sa ilang kampanya batok sa Pillars sa alas-7:30 sa gabii.

Sa lain pang mga duwa ubos sa 1st District, ang Minglanilla Archangels moharong sa San Fernando Spartans sa alas-6 sa gabii human sa engkuwentro tali sa Naga City Electrifiers ug Carcar City Lechoneros sa pasiunang duwa sa alas-4:30 sa hapon.

Ang uban pang mga season-opening games adto kumbatihan sa Oslob municipal gym (2nd District), Tuburan municipal gym (3rd District), Bogo City Coliseum (4th District), Catmon municipal gym (5th District A), Danao City Sports and Civic Center (5th District B),  Consolacion National High School gym (6th District) ug Dumanjug municipal gym (7th District A).

Karong season, ang torneyo mosubay og bag-ong format diin ang mga teams gibahin kun diin sila nasakop nga congressional districts. Moduwa sila og single round robin, diin ang top magtige sa district championship.

Gawas nga mobulsa og insentibo nga P100,000 ug P50,000, ang top 2 matag distrito moabante sab sa quarterfinals diin sila bahinon sa duha ka grupo pinaagi sa drawing of lots. Matag bracket moduwa og laing single round robin.

Ang top 2 matag bracket moabante ngadto sa crossover semifinals. Ang mga mananaog maoy magsangka alang sa kampiyonato sa usa ka 'best-to-three' series, samtang ang mga pildero mag-ilog sa ikatulong dapit sa tagakay nga duwa.

Ang makampiyon mobulsa og P500,000 nga ganti, samtang ang mopahiluna sa ikaduha hangtod sa ikaupat nga dapit makadawat og P300,000, P200,000 ug P100,000. Ang Most Valuable Player maka-angkon og P10,000, samtang ang mga sakop sa Mythical Five gantihan og  P5,000 matag usa.

GOVERNOR'S CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with