^
Gilas mipaksit sa India

Philippine National Police Director General Ronald “Bato” dela Rosa also wants to control the rampant use of loose firearms particularly in Marawi City and the whole province of Lanao del Sur. AP file photo

Gilas mipaksit sa India

Lemuel P. Maglinte (Banat) - July 22, 2017 - 4:00pm

CEBU, Philippines - Gilubong sa Gilas Pilipinas  ang  India, 101-70 alang sa ikalima nilang daog sa 39th William Jones Cup  kagahapon didto sa Taipei Heping Gymnasium.

Sila si Von Pessumal, Matthew Wright ug Almond Vosotros maoy nanginit og maayo sa opensa hinungdan nga milabaw sila og 22 puntos sa halftime, 46-24.

Ang Gilas aduna na’y 5-3 nga baraha, apan wala na sila’y tsansa alang sa kampiyonato. Bugtong konsolasyon sa Gilas mao ang pagpalambo sa ilang rekord ilabi na kon modaog sila sa ilang duwa batok sa Iran karong hapon.

Ang Gilas wala  mahulga sa presensiya sa 7-footer sa India nga si Amiyot Singh Gill kay mobawos sab sila og ataki   sa pagpangulo ni Fil-German Chris Standhardinger.

Igo lang nakahimo og kwatro puntos ang import sa Gilas nga si Mike Myers, apan wala kini  makabugnaw sa opensa sa nasudnong koponan.

Ang Gilas mitala sa labing dako nilang labaw nga 37 puntos sa katapusang 4:20 sa duwa, 94-57.

Ang Lithuania ug Canada maoy naghari sa standing nga pulos adunay 6-1  records, gisundan sa South Korea nga dunay 6-2.

Bisan og wala na’y paglaum sa kampiyonato,  si Gilas coach Chot Reyes   kontento ra sa gipakita sa batan-on niyang koponan. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with