Team D ug Team C daog dayon sa 3rd MTC Basketball Tourney

CEBU, Philippines - Daog maoy misugat sa Team D ug Team C atol sa opening sa 3rd MTC Ballclub Basketball Tournament  niadtong Nobiyembre 17 didto sa SLLC gym sa Sudlon, Barangay Maguikay dakbayan sa Mandaue.

Ang Team D mipilde sa Team A sa kulbahinam nilang duwa sa iskor  nga  45-38, samtang ang Team C mipukan sab sa Team B, 55-47.

Sila si Joker ug J. Cantero parehong miburak og 14 puntos aron pangulohan ang tagsa-tagsa nilang mga kaatbang.

Pareho sab nga miiskor og nuybe puntos sila si Sanchez  sa Team A ug  Gulane sa Team B  aron   sab  pangulohan ang mga napildeng koponan.

Ang torneyo namugna pinaagi sa paningkamot sa ilang presidente nga si Nonoy Cruza ug sa ilang treasurer nga si Paul Dabon.

Puntos matag usa

Unang duwa:

TEAM D (45) – Joker 14, David 9, Monleon 8, Uyan 8, Brent 4, Velasquez 3, Cruza 2.

TEAM A (38) – Sanchez 9, Mondin 5, Judal 4, Cortes 4, Pacut 4, Torino 2.

Ikaduhang duwa:

TEAM C (55) – J. Cantero 14, Chan 8, Jamora 6, Harvey 6, Tubio 6, Carba 4, I. Cantero 4, N. Cantero 3, Lumapas 2.

TEAM B (47) – Gulane 9, Losano 8, Cañedo 8, Dabon 6, Dodo 4, Espinosa 2. (BANAT NEWS)