Sabalde mideklara og gubat batok Moralde
(Banat) - January 28, 2016 - 9:00am

CEBU, Philippines - Ang Sugbuanong boksidor nga si Anthony ‘Zorro’ Sabalde sa Noy Pacing Flores Stable mipabuhagay nga kumo lang maoy iyang pasultion sa ilang sangka sa wa’y pildeng si John Vincent ‘Mulawin’ Moralde sa Sanman Promotions alang sa bakanteng WBF International featherweight title nga maoy main event sa “Brawl at the Mall: Glory” fight card karong Pebrero 13 didto sa Gaisano Mall Atrium sa General Santos City.

Mao kini ang reaksiyon ni Sabalde sa dihang nasayod nga si Moralde, ang kasamtangang WBC Asian Boxing Council Continental 126-pound champion, mibahad nga pakatulgon siya niini sa 10 ka hugna nilang engkuwentro nga maoy labing unang dalit sa Sanman Promotions karong tuiga.

“Makita ra unya ni sa among duwa kun kinsa’y mangatumba namo,” matud pa ni   Sabalde. “Ang akong ikapasalig kay maningkamot gyud ko og maayo kay mao ni labing daku nga away ug lig-on pud akong kontra.”

Wala hinuon mohatag og prediksiyon si Sabalde, apan nagkanayon kini nga kun dunay higayon, dili siya mousik bisan usa ka segundo aron patikangkangon si Moralde.

Ubos sa paggiya sa iyang trainer nga si Brix Flores, si Sabalde mosud sa katapusang hunat sa iyang pagbansay-bansay didto sa Rex ‘Wakee’ Salud Boxing Gym, ang susamang gym diin si Pinoy ring superstar Manny Pacquiao kanhi nag-training alang sa iyang  rematch batok sa Mehikanong si Marco Antonio Barrera walo ka tuig na ang milabay.

Malisud hinuon nga hagit ang sagubangon ni Sabalde (10-4, 5KOs) gumikan kay iyang sangkaon mao man ang 21-anyos nga si Moralde, kanhi two-time National Open amateur boxing champion nga wala pa’y pilde sa 14 ka away isip pro diin pito sa iyang mga biktima iyang gipakamang.

Si Sanman Promotions CEO Jim Claude ‘JC’ Manangquil, ang manedyer ni Moralde, sa sayo pa nagkanayon nga kun ugaling modaog, iyang paawayon ang iyang batos batok ni WBO featherweight champion Vasyl ‘Hi-Tech’ Lomachenko sa Ukraine o di ba ni WBA titlist Leo ‘El Terremoto’ Santa Cruz sa Mexico. (BANAT PALARO)

ACIRC ANG ANG SUGBUANONG ASIAN BOXING COUNCIL CONTINENTAL BRIX FLORES EL TERREMOTO IYANG MORALDE NGA SABALDE SANMAN PROMOTIONS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with