Wemby misidlak sa Spurs batok Clippers
CEBU, Philippines — Si Victor Wembanyama miposte og double-double nga 32 puntos ug 11 ka rebounds aron pangulohan ang San Antonio Spurs ngadto sa 124-112 nga pagpakaging sa Los Angeles Clippers sa NBA kagahapong adlawa didto sa Frost Bank Center sa San Antonio, Texas.
Ang French superstar mipasa sab og tulo ka assists alang sa Spurs, nga daling namawi human naputol ang 12 ka sagunson nilang daog.
Mihimo sab og kasikas si Stephon Castle uban 21 puntos ug 12 ka assists.
Si Julian Champagnie mibubo og 10 sa iyang 20 puntos sa katapusang kuwarter alang sa Spurs, nga nakigsawo karon sa liderato sa Western Confernce uban sa Los Angeles Lakers bitbit ang managsamang 13-3 rekords.
Sila si Brook Lopez ug Darius Garland parehong mitali og 23 puntos sa pildirong Clippers.
Sa laing bahin, ang defending champion New York Knicks mikulit sa ikatulo nilang sunod-sunod nga daog human nakiapsot sa Minnesota Timberwolves, 102-99.
Si Karl-Anthony Towns ang bida sa Knicks uban ang 22 puntos, 12 ka rebounds ug tulo ka blocks.
Ang Memphis Grizzlies mibugha sa Golden State Warriors, 126-98, alang sa ikalima nilang sagunson nga daog.
Samtang ang Portland Trail Blazers milansang og 124-114 nga daog batok sa Milwaukee Bucks, nga naparot sa miagi nilang 12 ka duwa.
Si Damian Lillard mipabuto og 33 puntos batok sa kanhi niya team nga Milwaukee.
- Latest
















