8-1 labing maayong sugod sa Cavaliers
Gabby G. Malagar (Banat) - November 14, 2015 - 9:00am

CEBU, Philippines – Mitala sa labing maayo nilang sugod nga 8-1 ang Cleveland Cavaliers  human  modaog batok sa New York Knicks, 90-84   sa nagpadayong  duwa sa  NBA kagahapon didto sa Madison Square Garden sa New York City. 

Silang LeBron James ug Mo Williams maoy nagduslit sa rally sa Cavs didto sa fourth period diin nagkumboya sila’g  21 sa 24 puntos nga nahipos sa Cavs sa maong kuwarter.

Biya ang Cavs  og sayes puntos sa katapusang 5:24  sa duwa sa wala pa mosalida og maayo silang James ug Williams.  Ang jumpshot ni Williams maoy naghatag sa Cavs og 86-84 nga labaw sa katapusang 40 segundos sa duwa ug ang iyang upat ka free throws sa katapusang 18 segundos maoy nagselyado sa ilang kadaugan. 

 Si James maoy nangu sa Cavs sa iyang 31 puntos, samtang si Williams may 20 puntos.

Ang Knicks misipyat sa una nilang 10 ka tirada pagsugod sa fourth quarter, apan pabilin gihapon silang naglabaw, 76-73 sa  nahabiling 6:32 sa fourth period.  

Ang forward nga si Kristaps Porzingis miamot og 11 puntos alang sa Knicks lakip ang pito ka rebounds. Si Porzingis maoy unang rookie sa Knicks sunod ni Patrick Ewing niadtong 1985  nga miiskor na og labing menos  80 puntos sulod sa una nilang pito ka duwa sa season.

Sa laing aksiyon, ang Indiana Pacers miihaw sa Minnesota Timberwolves, 107-103.      

Si Paul George maoy nangu sa Pacers sa iyang 29 puntos, samtang ang guard nga si Monta Ellis midugang og 24 puntos alang sa ilang 6-1 nga baraha.  

Didto sa Dallas, gibaraw sa Mavericks ang pagbalik ni Kobe Bryant didto sa American Airlines Center pinaagi sa pagkulit og 90-82 nga kadaugan. 

Si Bryant miiskor og 19 puntos aron pangulohan ang Lakers nga adunay 1-8 record, samtang si  ZaZa Pachulia mao sab ang nangu sa Mavs  sa iyang 18 puntos ug 15 ka rebounds.

Sa lain pang mga duwa,  ang Boston Celtics mibuntog sa Atlanta Hawks, 106-93, gilubong sa Toronto Raptors ang New Orleans Pelicans, 100-81. Ang  Chicago Bulls midaro  sa Charlotte Hornets, 102-97, ang  Memphis Grizzlies nakaipsot sa Portland TrailBlazers, 101-100.

Gilubong sa  Oklahoma City Thunder ang Philadelphia Sixers, 102-85, midaog ang Denver Nuggets sa Houston Rockets, 107-98,  ang Sacramento Kings nakaipsot sa Brooklyn Nets, 111-109 ug ang Orlando Magic midaog sa  Utah Jazz, 102-93.   (BANAT NEWS)

AMERICAN AIRLINES CENTER ANG ANG KNICKS ATLANTA HAWKS BOSTON CELTICS BROOKLYN NETS CHARLOTTE HORNETS CHICAGO BULLS NBSP NGA PUNTOS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with