Topseeds sa 2nd RD
GGM (Banat) - May 5, 2014 - 12:00am

CEBU, Philippines - Topseed sa Eastern Conference Indiana Pacers, no. 2 seed sa Western Conference Oklahoma City Thunder ug 3rd seed sa West Los Angeles Clippers nakalikay sa upset ug pulos midaug sa ilang homecourts sa Game 7 kagahapon aorn moabante sa second round.

Miabante ang Pacers sa second round kon Conference semifinals human ilang gilatos ang Atlanta Hawks, 92-80 samtang midaug ang Thunder human ilang gipakgang ang determinado ug defensive-minded Memphis Grizzlies, 120-109 sa Game 7 samtang sa laing Game 7, midaug ang Clippers batok sa Golden State Warriors.   

Ang Indiana maoy mo-host batok sa Washington Wizards sa Game 1 sa second round ugma, Mayo 6 samtang maoy magbagat ang Thunder ug ang Portland Trail Blazers sa second round didto sa Oklahoma City unya sa  Miyerkules.        .

Mibahug og 30 puntos si Paul Geroge aron pangulohan ang Pacers ug midugang si Lance Stephenson og 19 puntos.

 ''We know what we want to get to and we know what our journey is,'' matod pa ni George.

  Ang Pacers kinsa maoy labing maayong home team sa NBA karon nga season, napilde og kaduha didto sa ilang korte diin napilde sila sa Game 1 ug Game 5  diin ang maong kapildehan maoy nakapa-aghat og usa ka public debate kalabot kung unsay angayan himoon sa offseason o mahimo bang pabalikon si coach Frank Vogel kung ang Pacers kinsa maoy no. 1 mapilde sa Atlanta nga no. 8.

Si George maoy nagduslit sa mainitong rally sa Pacers diin mihimo siya'g 11 of  23 gikan sa field uban sa iyang 11 ka rebounds alang sa iyang ika-unom nga double-double sa playoffs.

Mao kadto'y labing unang daog sa Game 7 sa Pacers sa kasaysayan sa ilang franchise.

Didto sa Oklahoma, mibahug og 33 puntos si Kevin Durant ug mikulit og triple-double si Russell Westbrook aron baswaton ang Thunder sa Game 7 ug miabante sa second round.

Mihimo'g 27 puntos si Westbrook uban sa iyang 16 assists ug 10 ka rebounds. Iyang natablahan ang franchise record sa playoff  sa assist nga nahimo ni Nate McMillan niadtong 1987 sa didto pa ang team sa Seattle.

Wala makaduwa si Zach Randolph alang sa Grizzlies tungod kay gisuspenso siya'g usa ka duwa human niya pikhi si Steven Adams sa Thunder sa iyang suwang.

Si Marc Gasol kinsa nakahimo'g lima ka fouls, maoy nangu sa Memphis sa iyang 24 puntos samtang si Mike Conley kinsa nahasol sa iyang piang, midugang og 20 puntos.

Nakahimo na'g duha ka triple-double si Westbrook sulod sa miaging tulo ka duwa ug si Durant kinsa medyo napugngan sa miaging pipila ka duwa sa series, nabalikan sa iyang pagka-hingigo.

Didto sa Los Angeles, midaug ang Clippers batok sa Golden State warriors, 126-121 diin upat sa ilang pambato ang mi-iskor og labing menos 20 puntos – may 24 puntos si Blake Griffin, parehong may 22 puntos silang Chris Paul ug Jamal Crawford ug may 20 puntos si JJ Redick.

Silang Stephen Curry ug Draymond Green maoy nangu sa Clippers sa ilang 33 ug 24 puntos matag usa.  (BANAT PALARO)

 

ANG INDIANA ANG PACERS ATLANTA HAWKS BLAKE GRIFFIN CHRIS PAUL GAME IYANG MAOY PUNTOS
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with