Diha sa limitadong mga pagkaon

Maayong Balita

Gibati sa atong Ginoo ang tumang kaluoy sa mga katawhan nga nikuyog kaniya niadtong panahona.

Nabalaka siya nga kun papaulion pa sila sa ilaha tingali unya og panguyapan sila sa dalan. Labina nga paingon na magabii.

Gigamit sa atong Ginook unsay anaa ug pinaagi sa limitadong supply nakakaon gyud ang tanan.

 Kasinatian

Deus Providet. God will Provide. Human kita makasinati sa kaayo sa Dios ug sa iyang pag-amoma ngari nato.

Angayan kitang magpasalamat gumikan niini. Ang pagpadayag sa pagkamapasalamaton mao man ang pagkamanggihatagon labina gyud sa atong panahon.

Lihok

Duaw sa Adoration chapel ug pasalamat sa Ginoo nga anaa sa Santisimo Sakramento sa Altar. Tambong sa Santos nga Misa uban ang pagpangandam sa kaugalingon. Kini aron mahimo kitang takus ug angayan nga modawat sa Ginoo.

Pangamuyo

Tanan: Ginoo nagatuo kami nga anaa ikaw sa Santos Uyamot nga Sakramento sa Altar, unta kalawaton ka namo uban ang tumang gugma ug debosyon. Ikaw nga buhi ug hari hangtud sa kahangturan. Amen.