Unsay kalainan kun...

Pinasikad sa: Mateo 5;43-48

Nahimong sukaranan sa atong paghimo og maayo sila nga nakahimo usab kanato og kaayohan. Sila nga wala makahimo sa ingon dili man angayan magpaabot og kaayohan gikan nato.

Kun kini ang atong hunahuna nan, unsay kalainan nato sa uban? bisan gani ang mga wala magtuo sa Dios ang naghimo man sa ingon.

Apan sa laing bahin, mahimo ba kining sukaranan sa pagtratar sa tawo nga wala gani motuo og Dios? Ang tubag Oo o dili.

Oo kun ang pagtahud sa linalang ingon nga tawo ang gitan-aw nato. Apan wala kini magpasabot nga kun unsay na enjoy sa nagtuo sa Dios o sa Simbahan ang angayan niyang sination.

Sama sa nahitabo didto sa New York City. Ang namatay atheist. Kun maghisgot ta og atheist nan, walay pagtuo sa Dios. Apan tungod sa gitawag nilang inclusivity gi-accommodate sa sulod sa balay alamapoanan kuyog sa mga pundok sa katawhan nga nipaluyo kaniya.

Kun gitugotan sila sa pagsulod gumikan sa pagtahud ug paghigugma ilang bugti niini pagpanamastamas man ug bugal bugal mismo sa hawanang Sagrado.

Mao nga makaingon ako, dili makiangayon kun ang ilang habig lamang ang hatagan og pagtagad unya atong talikdan ug yubiton ang atong kaugalingong mga baruganan tungod ug alang sa malangkubong panaw.

Pun-an pa sa usa ka cardinal nga nisugyot nga kinahanglanon kaayo ang makanunayong kukabildo alang sa malangkubong panag-uban.

Apan angayan natong hinumdoman dunay mga butang nga mahimong kuyogon apan dunay mga butang nga dili mahimong dawaton.

Ang gugma karong panahona nahimong relative ug agn tanang mga butang ingon man pamatasan nahimong subjective. Ug kining maong set up gikalipay sa mga weird.