^

Banat Opinyon

Decriminalizing libel ni Tulfo dili patas

JAV BANATI - Javier Yntig Tapulado - Banat

Sa hearing sa Senate Committee on public information and mass media, gihikyad ni Senador Raffy Tulfo ang iyang plano sa paghimog balaod nga dili na mapasakaag libel or cyberlibel case ang taga traditional media.

Grabe iyang pagsalig sa kredibilidad sa mga taga mainstream media, labi na sa Vera Files, kay kuno diha sa ilang pagpamalita nagasubay kini sa hustong pamaagi sa pagpanibya, busa natugob sa katiunay ug kamatinud-anon.

Dili sama sa mga vlogger, kinsa sa ilang pagpangataki, matud pa ni Tulfo mahilig sa extortion: Attack, collect! Niay tipik sa iyang gipamulong:

“Maari pong nangyari dyan ngayon, dyan po sa social media na mga tinatawag na attackers-collectors. Na magbubukas ng channel at magpapanggap na siya ay isang journalist. Walang ginawa, maghapo’t magdamag, tumira ng tumira ng politiko hangga’t sa yong politikong tinira niya gumib-ap dahil ayaw mapatuloy yong masakit na kasinungalingan.  Magbigay ng pera sa kanya o kanino man. So those people should be exempted dito sa decriminalizing libel. Sana…ay dapat kasuhan pa rin ng libel na makulong.”

Daghang netizen ang mipalag-supak sa maong pahayag ni Tulfo. Sanglit, ang balaod giumol para sa tanan. Sama nga ang freedom of speech and of expression, dili lamang iyaha sa mainstream media, kondili, lakip na sa social media ug sa tibuok katilingban.

Gani, mas kuyaw man kon iabuso kini sa taga mainstream media kon sila ray bugtong makapahimulos niini ug dili iapil ang vloggers, bloggers ug influencers. Giisip baya kini sila sa katawhan nga tig-check and balance batok sa mga bias nga mainstream media.

Kon wala pay social media, dili gyod unta makadaog si Tatay Digong ug Bongbong Marcos sa pagka-presidente. Sanglit, walay makabaraw matag higayon nga mamakak ang mainstream media, kinsa adunay gipaluyohang kandidato.  Gani, mao man kini usa sa mga hinungdan nganong naputlag prangkisa ang ABS-CBN.

Ang balaod sa Pilipinas para sa tanan. Walay si bisan kinsa nga i-exempt. Kon nakasala, kasohan: ma-mainstream media, o ma-social media man. Ug kon i-decriminalize man ni Tulfo ang libel ug cyberlibel case, nganong ang mainstream media ra man maoy iyang hatagan? Nganong dili man iapil ang social media?

May pinalabi ba diay iyang balaud?

RAFFY TULFO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with