Queen Elizabeth II

Siya ang pinakadugay nga rayna nga nidumala sa monarkiya sa Inglatera. Mga 70 ka tuig ug sa edad nga 96 siya nipanaw sa laing kalibotan.

Si Rayna Elizabeth usa ka lig-on nga pangulo ang unifying figure sa mga Briton.

Ang babaye kang kansang panaad iyang gipaningkamotan diha sa pag-alagad sa iyang mga ginsakopan.

Kay hinuon tinuod gyud ang panultihon: “Great pwer comes Great Responsibility. Ang maong talan-awon nakapahinumdom Kanako ning mosunod nga mga pagtulon-an:

1. Ang trono mahimong sabton nato ingon nga prebelihiyo labina kun gisud-ong lamang nimo kini ingon nga kahigayonan aron mamahimong hayahay. Apan ang trono simbolo sa gahum pinasikad sa kaakohan.

2. Ang naglingkod niini kinahanglang mosud-ong sa iyang palibot. Unsa may iyang nakita? May gihimo ba siya kalabot niini?

3. Ang kalibotanon panlantaw sa gahum mamahimong mabalaan pinaagi sa paghatag niini og hustong konteksto. Ang konteksto nga nagasukad sa maalagarong diwa ug pagpakabana.

4. Si Queen Elizabeth bisan pa man sa iyang mga kaakuhan isip rayna padayon siyang nagpaka inahan ngadto sa iyang mga anak.

Salamat Queen Elizabeth sa imong pagka rayna ug unta sa langit diin ikaw mamahimong kauban na sa Hari sa tanang mga hari, mamahimong buhi sa gihapon ang imong mga pagtulon-an. In Pace Requiescat!