_banat
^

Banat Opinyon

Rhea Gullas buotang inahan

JAV, BANATI! - Javier Tapulado - Banat

Nalingaw ko sa ‘Pining Challenge’ nga gipaambit sa batan-ong magtiayon: Ma’am Rhea ug Talisay City Mayor Samsam Gullas uban sa ilang gamay pang anak nga si Pining, diin gi-post sa Facebook.

Simple kaayo ang maong dula. Pero may bug-at mensahe. Si Pining gipatung-an sa amahan ug inahan nga gikuptan ang masig ka kamot niini samtang sila nanagbarog.

Human sa pipila ka segundo nga pagpahimutang-pangandam, gibuhian nila ang bata, diin si Ma’am Rhea mipahilayo sa tuong direksiyon samtang si Mayor Samsam mibiya paingon sa walang habig, biniyaan si Pining.

Ang bata nga mao na lay nahabiling nagtindog, gihatagag higayon sa paghunahuna kinsa nila ni Mommy Rhea ug Daddy Samsam ang iyang duolon? Ug kinsay iyang gipili? Si Mommy Rhea!

Basta, gikan sa Round 1 hangtod Round 4, bisan nag-ilis og puwesto ang magtiayon, unya nagdala pag-candy si Mayor Samsam ug puwerte’ng abiba ni Ma’am Rhea pabor sa amahan, didto gihapon moduol-magpakugos si Pining sa inahan.

Kini nagpakita lang, unsa ka maayong Mommy si Ma’am Rhea nga momatuto’g anak.  Gani, daw nabentahaan pa niya si Mayor Samsam. Kay bisag usa usab kini ka buotang amahan, didto man gyod sa inahan mopilit ang anak.

Si Ma’am Rhea mosulay pagsunod sa mga bulawanong tunob nga ibilin ni Mayor Samsam kaniya sa natad sa politika.

Human makapayil og Certificate of Candidacy para pagka-mayor sa Talisay City alang sa 2022 election, siya mapaubsanong mihangyo sa tanang Talisaynon.

Aniay tipik: “As I always say, if I become an effective mayor, it will be ’Aksiyon agad!’. Hinaut unta nga tagaan ko ninyog chance nga mo-serve sa siyudad sa Talisay isip usa ka inahan, isip usa ka babaye, kuyog ni Samsam diri sa siyudad sa Talisay.

Daghang salamat!”

Ang kasingkasing ni Samsam ug Rhea usa ra. Napuno sa gugma diha sa pagpangalagad sa katawhang giisip ilahang mga anak. Sukad, wala pa maguba ang kaligdong sa imahe ug maayong binuhatan sa mga Gullas nga ilaha gyong giampingan.

Pagkabulahan sa taga Talisay City. Kay mobiya man tuod si Samsam isip usa ka kugihang amahan sa syudad, pero hulipan man usab ni Ma’am Rhea, kinsa, usa ka buotang inahan. Unta, dili nila siya usikan!

TALISAY CITY MAYOR
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with