_banat
^

Banat Opinyon

Si Maria Hoffs

MGA LAMAS SA KINABUHI - Fr. Rey Cui - Banat

Nahimong trending karon si Maria Hoffs. Daghan ang kaniya ni-bash, daghan ang nihimo og memes batok niya ug nahimong instant celebrity siya mismo apil na pud ang iyang pamilya. Gani, daghan sa mga tawo ang buot mopahulagway diin nahimong background ang iyang balay.

Nahimo siyang sikat ug gani nahimong madungog ang mga pulong sama sa: “Tamparuson ka ron og Escabetche!” Nangatawa ta gumikan niini.

Apan sa laing bahin subo palandungon nga ang iyang inahan nga niadtong tungora wala lang gyud tawon naggunok ang nahiagom man sa mga bugalbugal nga memes sa atong mga netizens hangtod nga sa dihang gihimo ang interview nitingog tawon ang tiguwang uban ang pagpadayag sa iyang dakong pagmahay.

Sakit baya gyud palandungon, matud pa niya, nganong giapil man tawon siya nga wala man siyay labot.

Dunay gibug-aton ang maong pamahayag sa maong tiguwang. Ug subo nga palandungon nga daghang mga tawo ang buot moapil sa maong trend mao nga kutob sa ilang mahimo nahimo silang creative kun mamugnaon kalabot niini.

Sa laing bahin, si Maria Hoffs dunay paagi aron maka-survive sa kantalita sa mga tawo diha sa social media. Imbis masuko nga daghang mga tawo ang mosaka kanaug aron lamang magpahulagway, siya mismo ang miabi abi kanila ug gani, magpahulagway kuyog sa mga nakiusyoso.

Gihimong positibo ang bisan unsang negatibo. Ingon ana si Maria Hoffs creative pud. Hinuon niangkon siya nga duna siyay sa sayop ug mao kana ang mahinungdanon.

Tinuod gihimo siyang kataw-anan apan managsama silang nakabenepisyo ni Marjorie.

Si Marjorie nidaghan ang iyang orders karon samtang si Maria Hoffs padayong nitala og kasikat. Dili lang kini mahitungod lang sa sayop nga nahimo kondili kun sa unsang paagi kita mobangon ug mohimong positibo sa bisan unsa nga giisip natong negatibo. Iya-iyang diskarte aron kita mabuhi. Unta positibo sa gihapon ang atong panlantaw niini.

GANI
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with