^

Asa na kutob ang tunnel?

RENBOR PATROL - Rene U. Borromeo (Banat) - December 24, 2020 - 12:00am

Bata pa ko diha na ang minahan sa copper sa Toledo. Gitawag ni kaniadto og Atlas Mining and Development Corporation (ACMDC) ug dayon, nasirado kini og pipila ka tuig, apan pag-abli pagbalik, gihinganlan na og Carmen Copper Corporation.

Ambot og ang kadagkoan sa Mines and Geosciences Bureau (MGB) nasayod ba kon hain na dapit nga bukid sa Toledo ang nahimoan og tunnel sa Atlas? Nagtuo gyud ko nga miabot na kini sa ilawom sa kabukiran sa Dakbayan sa Sugbo.

Kay duna ko’y mga nahinabi nga minero sa Atlas kaniadto pa, gikan sa ganghaan sa lungag sa Lutopan, mosakay kuno sila og sakyanan ug mosulod sa tunnel ug dugay sila nga mahiabot sa tumoy sa lungag nga adto sila magkuykoy sa yuta.

Grabe kapeligro ang trabaho pagka minero, kay kon mahugno ang tunnel, dili ka gyud mabaho nga malubong buhi sa ilawom. Unta, ang kadagkoan sa MGB motug-an sa publiko kon hain na dapita ang tunnel sa Atlas pagka karon.

Dili ko motuo nga anaa ra sila dapit sa Toledo kay mi-operate ang mao nga mining company kapin na sa 50 ka tuig.

Ambot ug ang mga lawas sa mga minero nga gipangita pa hangtud karon, makit-an pa ba kaha nga baga man kaayong lapok ang midat-og kanila.

* * *

Nindot kaayo ang gihimo ni Mayor Edgar Labella nga nakahukom nga magmugna og Asphalt Surge Project aron nga pang-ayohon ang mga karsada nga gubaon na tungod sa pagsige’g uwan.

Kon mosuroy gud si Mayor Labella sa lainlaing dapit sa siyudad, nakabantay siya nga may mga karsada nga nanginahanglan nga ayohon aron dili masakripisyo ang mga motorista sa ilang pag-agi.

Diha ko midayeg ni Mayor Labella nianang puntoha, ug ang bola, anaa na sa korte sa kadagkoan sa Department of Engineering and Public Works (DEPW) nga gidumala ni City Engineer Kenneth Carmelita Enriquez.

Nangayo’g tabang ang mayor sa publiko nga pahibaw-on nila ang DEPW sa mga karsada nga nanginahanglan nga ayohon, pero kon ako maoy city engineer, dili na ko manginahanglan og tabang sa publiko.

Ang akong himoon, modestino ra ko og mga sakop nga mosuroy sa lainlaing dapit sa siyudad ug ilista ang mga karsada nga nanginahanglan nga ayohon ug lihokon dayon.

Sa ingon niana, dili na magbagotbot ang mga motorista ug daygon nila ang mayor. Pero way nagpugong sa katawhan kon sila gusto gyud nga motabang.

Pahibaw-a ninyo ang opisina ni City Engineer Kenneth Enriquez aron nga mapaayo na ang mga gubaong karsada sa inyong dapit.

MINAHAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with