Bantay sa online swindlers
JAV, BANATI! - Javier Tapulado (Banat) - July 31, 2020 - 12:00am

Nunot sa nagkalisod nga panahon, imbes mopaduol ang katawhan sa Ginoo, nagkaanam hinuon kadaghan ang nagpalayo Kaniya. Inay magkahiusa aron magtinabangay, padayon gihapon ang pagsinungayay, pagsinawayay, kinawatay ug pagpangilaray.

Nauso ang nagkalainlaing matang sa scam nga gimugna sa mga brayit kaayong scammers. Daghang inosente ang nangabiktima. online payment transaction alang sa ilang monthly bill wala mahipunta sa gipad-an nilang kompaniya. Kay didto mopaingon sa nagngangang crocodile account sa mga mangingilad.

Mother-in-law sa akong higala, kinsa usa ka senior citizen, mipadalag P50K thru online transaction para sa iyang nahilayong anak, ulahi nang nasayod nga wala diay madisgrasya ang anak sumala pa sa text message nga iyang nadawat ug dili tinuod nga nangayo kinig hinabang pinansiyal.

Gisulayan nilag subay ang giagian sa online cash transaction payment aron makuhag balik ang naasoyng salapi, pero pakyas sila.

Niining bag-o, nakadawat kog text message sa nagpaila nga PLDTHOME. Ania ang unod:

‘Your eStatement of Account cannot be delivered at this time because we do not have your email address on record. Please send an email to pldtbilling@pldt.com.ph with your account details and your preferred email address so we can update your records. Visit https://bit.ly/ZZPVFFY for more helpful tips. Thank you.’

Nalum-it akong agtang pagkabasa sa maong teks. Nakita man god dayon nako ang deperensiya sa format sa original letter head sa PLDT itandi ning bag-o nakong nadawat.

Ang orihinal gud dili tanang letra capital letters: PLDTHome.  Pero kining bag-o: PLDTHOME (tanan capital letters). Aw, wa na ko motubay.

Ikaduha, nganong mangayo man siya nakog email address ug ubang account details nga naa na man koy file daan ini sa PLDT? Unta, PLDT mismo maoy mohatag nakog account. Kay sila goy nag-hold sa kompleto nakong account.

Ikatulo, kon ang original PLDTHome maoy mopadalag mensahe ngadto sa ilang kliyente thru cellphone, sa tumoy sa mensahe dunay notation: ‘This is a system generated. Do not reply.’

Paglabay sa upat ka adlaw, nakadawat kog text message sa original PLDTHome, nagpahibalo pilay nabayran nako sa miaging bulan ug pilay akong bayranang monthly bill ning bulana?

Sa padayong panghasi sa COVID-19 nagkaanam kadangog ang kalibotan. Pagbantay sa mga online swindlers aron dili ka madakin-as.

SWINDLERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with