^

Banat Opinyon

Posibleng may bakuna na sa Hulyo

ARANGKADA - Leo Lastimosa - Banat

Nipasalig ang mga siyentipiko sa usa sa nag-unang kandidato nga bakuna batok sa Covid-19 nga mahibaw-an na karong Hulyo, usa ug tunga ka buwan na lang gikan karon, kon may epektibo na bang panagang batok sa makamatay nga sakit.

Labihan nila kamasaligon sa kalamposan sa ilang gihimo nga bakuna nga sa wa pa gani nakasugod ang ilang clinical trials sa kapin sa libo ka pasyente nakabuylo na ang ilang mga pabrika sa nagkalainlaing kanasuran sa kalibotan sa paghimo og pasiuna nga usa ka milyon ka bakuna nga kasugdan na og apud-apod sa katawhan karong Septiyembre.

* * *

Ang kandidato nga bakuna nga may dakong kahigayonan nga makahimo og kasaysayan nga maoy mag-una sa pagbadlong sa katilingbanong katalagman ginganlan pa karon og “ChAdOx1 nCoV-19” gimugna sa mga siyentipiko sa Oxford University ug sa higanteng tighimo og tambal nga AstraZeneca nga pulos nagbase sa United Kingdom.

Karon pa lang niluwat na ang duha ka institusyon og duha ka pasalig: Barato ra ang presyo nga maabot bisan sa labing kabos nga kanasuran ug mga pasyente; ug paspas nga mapalambo ang kalibotanong suplay sa binilyon ka bakuna sa pito nila ka higanteng pabrika sa Uropa, China, India ug ubang kanasuran, apil na sa Pilipinas.

* * *

Ang unang hugna sa pagtuon sa bakuna nagpakita nga pipila sa unom ka unggoy nga gihatagan sa bakuna nakamugna og panagang (antibodies) batok sa kagaw sud sa 14 ka adlaw ug ang tanan nakamugna og panagang sud sa 28 ka adlaw.

Dihang gipatakdan ang mga unggoy sa Sars-CoV-2, ang ngan sa kagaw nga mosangpot sa Covid-19, ang bakuna malampuson nga nakabadlong sa kagaw gikan sa pagdaghan ug pagguba sa mga baga.

* * *

Wa hinuon mag-inusara ang “ChAdOx1 nCoV-19” sa pakiglumba sa panahon sa pagbadlong sa Covid-19. Ang ubang masaaron nga kandidato nga bakuna nga gawas nga nagpahigayon og human trials nagsugod na sab sa produksiyon sa pasiunang minilyon ka bakuna sa higante nilang mga pabrika naglakip sa mga gimugna sa mosunod:

-  Moderna Inc. sa Cambridge, Massachusetts ug National Institute of Allergy and Infectious Diseases (NIAID) nga gipangulohan ni Dr. Anthony Fauci;

- Pfizer Inc. sa New York ug BioNTech sa Germany; ug

-  CanSino Biologics Inc. sa China.

* * *

[email protected]

vuukle comment

HULYO

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with