^

Banat Opinyon

Kagaw corona vs. kagaw politika

BALITAHOM - Atty. Jose Marie N. Poblete - Banat

Tungod sa pagbukas og mga rolling stores taliwala sa hiktin nga lagda sa kwarentinas nga gipatuman aron batukan ang COVID-19, nabuhi pagbalik ang panagbangi sa pamilyang Estrada ug Zamora didto sa dakbayan sa San Juan sa kaulohan.  Mao kana’y giingon nga bisan tinarong nga tabang alang sa katawhan, mahimong lisod-lisoron basta kaatbang sa politika ang mopasiugda.  Lupig ang kagaw sa corona kay sa kagaw sa politika.  Pastilan Mayor!

Latigo ang solusyon

Mimando si Mayor Isko Moreno sa pag-shutdown sa Barangay Parola didto sa Tondo, Manila human masayran nga ang mga lumolupyo sa maong barangay mipahigayon og pa-boxing ingon man pa-bingo bisan pa man sa gipatuman nga enhanced community quarantine.  Sa kadaghang balita nga mga susamang kalapasan sa tibuok nasud, tingale latigo na ang angay ipahamtang nga silot sa mga gahi ug alimpatakan nga madakpan.  Latos na ang solusyon sa mga tawo’ng badlongon.  Sampol bi!

Palinyahon sama sa hulmigas

Daghan ang mibale-wala sa lagda mahitungod sa social distancing ug sa pagsul-ob sa facemask sa dihang nagpunsisok ang katawhan didto sa merkado sa Carbon niadtong miaging semana.  Adunay susama usab nga panghitabo didto sa merkado sa Blumentritt sa Tondo, Manila.  Sama sa hulmigas nga modugok ngadto sa asukal, dili gayod tingale kapugngan ang pag-adto sa katawhan sa merkado diin atua didto ang pagkaon.  Apan sama usab sa hulmigas, mahimo ra gayod nga maglinya ang katawhan inig palit nila sa ilang gikinahanglan.  Suwayan ta kuno!

Ipasundayag ang pagbasol

Segun sa balita, ang mga turista didto sa India nga nakalapas sa lagda sa coronavirus lockdown nakatagamtam sa silot pinaagi sa pagpasulat kanila sa mga pulong “I am sorry” sa 500 ka higayon.  Mahimo usab nga sundon dinhi sa Pilipinas ang maong matang sa silot apan inay pasulaton ang mga dinakpan, pasuroyon sila sa tibuok barangay, ug ginamit ang megaphone, payawyawon sila sa mga pulong “Nagtapat na ako ug nagabasol. Pasayloa ako”.  Tan-awon nato kon di ba motagam. Hala no!

 Walay tambal makaluwas

Duha ka tawo anga gidakop sa sakop sa Talamban police tungod sa pagpamaligya og mga tambal nga nagkinahanglan unta og resita sa doktor sama sa tambal sa high blood ingon man mga antibiotic.  Walay permit sa pagpamaligya ang mga dinakpan.  Bisan hudton pa nila karon pagtumar ang tambal nga ilang baligya, dili kini makaluwas sa ilang kumpromiso nga nasudlan.  Labaw na nga walay resita sa doktor nga makapagawas kanila sa prisohan.  Saoonz!

vuukle comment

CORONA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with