^

Banat Opinyon

Ka gahi ba sa ulo

SAKSAK SINAGOL - Lucky Malicay - Banat

Usa ka bulan na human gideklara ni Presidente Rodrigo Duterte ang Enhanced Community Quarantine sa tibuok Luzon gumikan sa nagsakang kaso sa makamatay nga Coronavirus Disease o COVID-19.

Hinuon walay kwestiyon nga misaler gayud kini sa atong pagpakigbatok sa COVID-19 nga mipatay na og subra sa 100,000 ka kinabuhi sa kalibotan, nga kadaghanan sa mga biktima atua sa Estados Unidos, Spain, Italy ug France.

Ang problema lamang mao ang pagkawalay disiplina sa uban kinsa molapas gayud sa mga pahimangno sa kagamhanan sa pagmatngon kanunay, ilabina mahitungod sa panginahanglan sa social distancing.

Sama pananglit sa nahitabo didto sa Carbon Market sa dakbayan sa Sugbo diin hilabihan ka daghan ang mihugpa kaniadtong Huwebes Santo bisan pa man sa hugot nga pagpatuman sa social distancing sa lokal nga pangagamhanan.

Tungod lagi kay gustong mohirit aron makapalit og mga ingredients sa binignit alang sa Biyernes Santo, gatusan ang nagdasok didto sa Carbon Market, usa ka talan-awon nga nag-viral sa social media ug miani og mga pagbatikos.

Sa akong tan-aw, adunay duha ka rason nganong nahitabo kadto. Ug kini mao ang pagkagahi usahay sa ulo sa uban bisan pa sa mga pahimangno sa social distancing ug ang klaro nga kaluag sa implementasyon niini.

Ambot ba kanatong mga Pilipino nga mao man hinuoy igara kun kanus-a adunay mga pahimangno sa kagamhanan. Siguro wala mosantop sa ilang alimpatakan ang dakong risgo nga matakdan sa coronavirus niadtong higayona.

Ang nakaparat usab mao ang dakong kakulang sa presensiya sa kapolisan, barangay tanod ug ubang tigpatuman sa pahimangno sa social distancing. Ambot asa ang mga elemento sa Cebu City Police Office niadtong higayona.

Daghan hinuon ang nakamatikod nga morag kulang sa ngipon ang mga pahimangno ni Mayor Edgardo Labella batok sa pagkuyanap sa maong balatian. Kini gumikan kay daghan ang mibaliwala lamang niini basi sa atong nasaksihan niadtong Huwebes Santo. Simbako kun adunay bisan usa lamang ka positibo sa COVID-19 didto sa Carbon Market niadtong tungora, nan sigurado nga daghang masiyakoy ug mataptan sa maong sakit nunot sa pagbaliwala sa social distancing.

ULO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with