Atong angkunon
MGA LAMAS SA KINABUHI - Fr. Rey Cui (Banat) - March 30, 2020 - 12:00am

Ang sala dunay personal ug katilingbanong aspeto. Ang katilingbanong aspeto naumol gumikan sa mas personal nga aspeto usab. Angay kitang mahigmata ning atong kasinatian karon. Busa gidapit ko ang matag banay ug si bisan kinsa nga mobasa ning mantalaang Banat News sa paggahin og mga gutlo o takna sa pag-ampo nga unta tinabangan sa grasya sa Dios makalingkawas na kita gikan sa Coronavirus.

Ato kining sugdan pinaagi sa paghimong og personal nga pagsusi sa atong tagsatagsa ka tanlag diin himoon nimo ang personal nga pag-review sa imong mga gipanghimo sugod sa buwan sa Enero ning tuiga hangtud karon. Asa niadtong mga buhata ang nakapalipay kaha sa Ginoo ug asa ato nila ang nakapasakit niya pag-ayo?

Kabahin lamang kini sa mga angayang pamalandongan sa matag usa kanato. Ning panahon diin gipahimug-atan ang social distancing, atong pangayoon sa kinasingkasing gayud ang pasaylo gikan sa kahitas-an pinaagi sa pag-ampo ning maong salmo:

Pag-ampo alang sa Kapasayloan

O Dios, kaluy-i intawon ako

tungod sa gugma mo nga walay paglubad.

Papasa ang akong mga sala

tungod sa dako mong kaluoy!

Hugasi ako sa tanan kong pagkadaotan,

ug hinloi ako sa akong sala!

Giila ko ang akong kalapasan

ug gibati ko kanunay ang akong mga sala.

Nakasala ako kanimo—kanimo lamang—

ug nakabuhat ug butang nga giisip mong daotan.

Busa husto ka sa imong paghukom ug pagsilot kanako;

gipakita mo ang imong pagkamatarong.

Daotan ako sukad ako mahimugso;

ug makasasala sukad ako ipanamkon.

Apan ang imong gikinahanglan mao ang matinud-anong kasingkasing,

busa pun-a ang akong kaisipan sa imong kaalam.

Hinloi ako pinaagi sa hisopo ug maputli ako;

hugasi ako ug mahimo akong puti gayod kaayo.

Pabatia ako sa tingog sa kalipay ug pagmaya;

ug bisan gipigis ug gidugmok mo ako, malipay na usab ako.

Ayaw isipa ang akong mga sala;

hinuon papasa ang tanan kong pagkadaotan.

Putlia, O Dios, ang akong kasingkasing

ug hatagi akog bag-o ug masinugtanong espiritu.

Ayaw ako isalikway

ug ayaw ipahilayo kanako ang imong espiritu santo.

Ibalik kanako ang kalipay tungod sa pagluwas mo kanako; lig-ona ako ug himoang masinugtanon kanimo.

Unya tudloan ko ang mga makasasala sa imong mga sugo, ug mamalik sila kanimo.

Luwasa ako, O Dios nga manluluwas ko, ug sa kalipay awiton ko ang imong pagkamatarong.

Tabangi ako sa pagsulti, O Ginoo, ug daygon ko ikaw.

Dili ka gusto sa mga halad-sinunog,

ug kon maghalad ako kanimo niini, dili ka malipay.

Ang halad ko, O Dios, mao ang espiritu nga mapaubsanon;

dili mo isalikway, O Dios, ang kasingkasing nga mapaubsanon ug mahinulsolon.

O Dios, kahimut-i ug tabangi ang Sion;

tukora pag-usab ang mga paril sa Jerusalem.

Unya ikalipay mo na ang hustong mga halad

ug ang tanang halad-sinunog lakip sa mga torong baka,

ihalad na diha sa imong halaran.

Pag-ampo: Kaloy-an unta ako sa Dios Amahan Makagagamhum sa tanan pasayloon sa akong mga sala ug dad-on ako niya ngadto sa kinabuhing dayon. Amen.

ATONG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with