Nganong kiyugpos ang mga polis?
RENBOR PATROL - Rene U. Borromeo (Banat) - January 25, 2020 - 12:00am

Midagsang na pagbalik ang mga gagmay’ng kahon-kahon nga gihimong ticket booth sa mga tigpasiugda og illegal swertres. Naa kini gibutang daplin sa mga karsada ug sa mga sudlonon nga dapit sa kabarangayan nga agianan sa daghang mga tawo.

Ang akong tinubdan gikan sa Police Regional Office-7 mitug-an nga adunay gitakda nga kampanya ang kapolisan batok sa mga ilegal nga sugal, apan ang pangutana kon kanus-a man? Ila kaha sab nga sakmiton ug panggub-on kining maong mga ticket booth sa illegal swertres?

Tambag nako sa kapolisan, kana kun tininuod man nga mohimo sila og kampanya batok sa ilegal nga sigal, kinahanglang mo-coordinate mo sa Philippine Charity Sweepstakes  Office (PCSO), aron makakuha kamo og lista sa mga ticket booth nga ilegal.

Pero alang sa katawhan, dili gyud sila angay’ng mosuporta sa mga nagpasiugda sa ilegal swertres kay way makuwarta ang kagamhanan gikan kanila. Ang makakuwarta mao ra ang pipila ka mga kurakot nga kapolisan nga mangayo sa mga operators sa illegal swertres.

Sayon ra ang pag-ila sa mga ticket booth nga ilegal. Dili sila makaisyu og mga ticket nga giimprinta gyud gikan sa makina, sama kon mopalit ta og lotto. Ang numero gisuwat ra sa kinamot sa mga tawo nga gisuholan paglingkod sa gamay kaayong ticket booth.

Sigurado ko nga daghang polis ang nakakuwarta gikan sa mga tigpasiugda sa illegal swertres, ug hagiton nako si Koronel Engelbert Soriano nga molusad siya og One Time, Big Time operations batok sa mga ilegal nga sugal.

* * *

Hangtud karon, wala gyuy gihimo ang mga mayor kabahin sa kamandoan ni Presidente Duterte nga dili na paagion ang mga tricycle diha sa mga national highway.

Gani, usa ka reporter sa radyo dinhi sa Sugbo, mireklamo kay ang mga tawo nga magpaabot og ilang kasakyan didto sa Minglanilla, anaa na hapit sa tunga sa karsada. Ngano man?

Kay ang daplin sa karsada gihimo na man nga parkinganan sa mga tricycle ingon man sa mga habal-habal motorcycles. Sa ato pa, ang mayor sa Minglanilla nagpakabuta-bungol lang sa kamandoan sa presidente.

Ang mga mayor sa Consolacion, Liloan ug Compostela, apil ang Danao City wala sab makatuman sa mando ni Duterte. Ang mga tricycle adto ra gyud na sila pabiyaheon sa mga secondary roads, dili diha sa national highway. Pastilan, dugay ra kaayo kining mao nga balaod, apan ang mga hingtungdan nga opisyal wala gyud makapatuman.

Abi ninyo og ngano? Tungod sa ilang kahakog sa gahum kay mahadlok man sila nga masuko kanila ang katawhan ug dili na mobotar kanila.   

ILLEGAL SWERTRES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with