Dili na batakan ang konstitusyon
BALITAHOM - Atty. Jose Marie N. Poblete (Banat) - December 15, 2019 - 12:00am

Mipadayag sa iyang kahingawa si Bayan Muna Representative Carlos Isagani Zarate mahitungod sa giingon nga pagsal-ot sa mga pulong “unless otherwise provided by law” diha sa uban’g mga ekonomikanhong probisyon sa atong Batakang Balaod kay mahimong mo-resulta kini sa pagka-talandogon kon ‘instability’ unya sa atong Konstitusyon.  Kon molusot man ugaling ang maong gilaraw nga kausaban, inay maoy basehan ug langdaman/sumbanan unta sa mga mosunod nga balaod nga pandayon, mag-agad na unya hinoon ang ato’ng Batakang Balaod sa mga umaabot pa’ng mga balaod aron kini mahimong epektibo. Madahaaan!

laing paagi aron madato

Adunay giproponer karon nga balaodnon si Senator Angara nga buot mopadako sa kantidad nga madawat sa mga atleta nga makasungkit og medalya sa ipahigayon nga mga duwa sa SEA Games ug uban pa’ng Asian level sporting events. Kon mapasar na kini’ng maong balaod, lain na usab kining paagi nga makapahimong adunahan sa tawo, labi na kadtong adunay abilidad ug paningkamot.  Apan matud pa sa akong kumpare, pabilin gihapon nga nag-una sa listahan kining duha ka pamaagi sa pagdato: 1) maminyo og anak sa dato; ug 2) magtukod og kaugalingon nga relihiyon.  Na hala, pili na lang kon asa ang labing sayon!

Kinsa ang molahutay sa sale?

Nakig-alayon karon ang Department of Tourism sa mga dagkong mall operators sa pagpahigayon ug lukop-nasod nga pagpamaligya nga barato (SALE)  sunod tuig, aron makadani sa mga lokal ug langyaw nga mga turista sa paggasto og dugang nga mahimo usab nga makapalambo sa ekonomiya.  Pastilan ang gobyerno, inay programa sa pagpalambo sa kinitaan ang unahon pagpahigayon, gasto na man hinoon ang gipalabi.  Unsa ma’y gastohon pagpamalit sa “SALE” kon walay nahot ang katawhan?  Kinsa man ang molahutay sa tibuok tuig nga Sale, katawhan o tindahan? Naay mall nga langawon aning kalakiha. Isip-isip!

Lain-lain ang rason

Napalabang na sa konseho sa dakbayan sa Sugbo ang ordinansahon nga naghimong hingpit sa tinuig nga kalihokan nga mao ang “mass wedding” kon tiningob nga pagpakasal sa mga binuhat nga nag-ipon isip magti-ayon kapin na sa lima ka tuig.  Lain-lain ang rason nga akong nabati sa akong mga silingan nga buot mopahimulos sa benepisyo sa maong ordinansa.  Ang usa, tuyo lang nga MAKADAWAT OG INASAL; ang ikaduha, aron aduna na kuno siya’y rason nga magpa-ANNUL.  Pagkatoytoy!

KONSTITUSYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with