Ed ug Gemma pareha og balhibo
JAV BANATI - Javier Yntig Tapulado (Banat) - July 22, 2019 - 12:00am

Ang kahoy magtubo nga lig-on, himsog ug ambongan kon ang tanang kabahin niini himsog ug ambongan usab.

Obligasiyon sa hardinero o tiggalam nga pagasusihon kon wala bay mga dahon o sanga nga gikaon sa ulod o ubang insekto aron madapatag tukmang tambal nga makapatay sa mga mapangahasong dangan ug makasalbar sa dahon o sanga.

Kon sa pagpaninguha sa pagluwas, nangalarag gihapon kini, kinahanglang pul-ongon gyod sa hardinero ang maong sanga o dahon. Kay sa manakod sa mga nahabiling maayo.

Timan-i. Kon ang tanom pul-ongan sa mga nadaut nang sanga o dahon, mogitib-puli ang bag-ong udlot, motubo ug molipang hangtod mamulak ug mamungag daghan nga mapuslan sa katawhan.

Sa pagsulat niini, ang bag-ong hepe sa Cebu City Police Office (CCPO), Police Colonel Gemma Vintulan, mahinangpong mipasalamat kang Mayor Edgar ‘Ed’ Labella tungod sa gisaad nga suporta ngadto sa kapolisan.

Agig bawos, ang babayeng hepe mipabuhos sab sa iyang todo suporta, sa pagpangamahan sa mayor ning dakbayan.

Mipuno si Col. Gemma nga ingkasog dili matagbaw ang mga Sugboanon sa iyang performance, andam siyang manaog-biya sa iyang puwesto.

Daw usa ka hugot kontratang nagpasabot, ‘nga buhaton niya ang tanan kutob sa unsay iyang mahimo, hangtod mahatod niya ang makatagbawng sebisyo nga taudtaod nang wala matagamtami sa katawhan gumikan sa dakong kal-ang nga nahimong  bukid nga nagbulag sa kapolisan ug sa kanhi alkalde.’

Niining bag-o, nagdungan pagbuhat silang Labella ug Vintulan og taytayan nga nagdugtong pagbalik sa kapolisan ug sa Cebu City Hall.

Managsama ilang tumong sa pagpangalagad – ang pagkamahigalaon ngadto sa tanang gialagaran.

Si Mayor Ed usa ka himsog nga punoan. Samtang si Col. Gemma usa ka lig-ong sanga sa mayor.

Kon may dahong gikaon sa ulod, mabati gyod nila kay kabahin man kini sa pagka-sanga ni Gemma ug pagka-punoan ni Ed.

Ug sanglit makadaot ug makatakod kini sa mga maayo, sila mipahimangno, nga kutob sa magpabadlong empleyado o polis, ilang korehian, diin kon dili na madalag tambal, sakit man sa buot, ila gyong paphaon!

Si Ed ug Gemma parehog balhibo. Lubos puti, timaan sa usa ka kinasingkasing, diniyos ug malinis nga panerbisyo sa katilingban.

Ninyong duha, Sir and Ma’am, thumbs up ko. Keep it up!

BALHIBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with