Kabahin gyud og sa Banat
MGA LAMAS SA KINABUHI - Fr. Rey Cui (Banat) - July 18, 2019 - 12:00am

Seminarista pa ko niadto mahiligon na gyud kong motagik og mga sugilanon. Mao nga nangindahay kong mosuwat gyud unta sa pamantalaan nga Sinugbuanon. Salamat sa Dios nga nahatagan ko og kahigayonan sa dihang nisuway ko og hatud sa akong sinuwat sa buhatan sa The Freeman ug Banat News kanang nahimutangan sa Museum karon sa mga binisayang alawiton.

Si Brod Johnrey Saavedra (brod ako tawag niya kay seminarista ni siya kaniadto ug higala pud nako) ang nisuway og tan-aw sa akong sinuwat. Iya kong gipaila ila ngadto kang Sir Juanito Jabat (pahulay sa kalinaw, sir) ang amahanong personahe nga dili mosipyat og hatag nako og pinaskohan matag pasko hangtud na lang ko napari. Silang Mila Cruz, Sanden Anadia, Mark Ryan, Lucky, Sir Renbor ug uban pa naa pa na sa maong pikas building.

Sugod niadto gipasuwat ko sa mga pamalandong matag Domingo ingon man mga sugilanon.

Hangtud nga nisugyot si Sir Jabat nga kun mahimo akong sun-on ang estilo ni Frank Mihallic mao nga gikan niadto nahimugso ang Sugilandong (Sugilanon Dala’ng Pamalandong) ug gani nabuhatan ko kini og drama sa radio.

Ang tanan sugilanon ug kabahin na sa akong panaw ingon nga magsusulat. Dako kaayo ang akong utang kabubut-on sa The Freeman Family ug sa Banat News. Dili tungod lang kay nahatagan ko og kahigayonan nga mosulat kondili tungod kay gihatagan ko og kahigayonan nga mamahimong tipik ning banay sa mga tawong mangalagaray sa haring lungsod.

Hangtud na lang sa pagpanaw ni Sir Jabat padayon kong gihandum ang iyang pahimangno ug mga tips sa pagsulat. Sa akong paghimo niini nisibaw sa akong hunahuna ug galamhan kining mosunod:

1. Ang pagsulat dili lang panginabuhi. Gani labaw pa kini sa panginabuhi. Ang pagsulat kinabuhi.

2. Pagsulat kahigayonan sa paghatag dili lang impormasyon kondili inspirasyon usab alang ni bisan kinsang magbabasa.

3. Akong gihimong kabahin sa kinabuhi ug kining maong kinabuhi unta makahatag pud og kinabuhi sa uban.

4. Kahimanan kini sa pagsabwag sa Pulong sa Dios alang sa uban. Mao nga salamat gyud kaayo sa The Freeman.

Sa akong bahin nagkadugay nakaamgo ko nga mas daghang kaayohan ang akong nakuha gikan sa The Freeman family ug kini mao man ang akong kaugalingong kinabuhi nga nihamtong ug gialimahan niya sulod na sa napulo’g pito nga mga katuigan.

Mao nga salamat sa paghimo nakong kabahin sa imong halangdong banay nga gigiyahan usab sa mga matinabangong banay nga Gullas ingon man sa mga higala.

KABAHIN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with