Peke ang 288 sa 360 ka suka
ARANGKADA - Leo Lastimosa (Banat) - May 23, 2019 - 12:00am

Ambot tungod ba kay bag-o lang natangtang ang ilang pangulo nga walay klarong hinungdan, makalibog ang baruganan sa Food and Drug Administration (FDA) sa nabutyag nga pagtuon nga peke ang kasagaran sa mga suka nga gipamaligya sa mga tindahan:

Nipasalig sila nga di makadaot sa panglawas ang peke nga mga suka mao nga wa kinahanglana nga imando nila ang pagkuha sa mga produkto gikan sa mga tindahan; apan

Nipahibawo sab nga ilang kanselahon ang Certificate of Product Registration (CPR) sa peke nga mga suka, nga mosangpot nga di na sila mabaligya.

* * *

Labaw nga makapahibung sa postura sa FDA mao ang ilang pagdumili sa paghingan sa brand names sa mga suka nga napamatud-an sa Philippine Nuclear Research Institute (PNRI) nga peke kay nigamit sa kemikal nga synthetic acetic acid inay sa mga sangkap gikan sa mga prutas ug mga tanom.

Matod sa PNRI peke ang 80% sa 360 ka brands sa suka: Sa ato pa 288 ka brands ang peke; ug 72 ra ang tinuod nga suka. Kon mao, nganong gitago man sa FDA hangtod karon ang brands sa peke nga suka?

* * *

Kaambasan lang ang kalibogan sa misteryoso nga pagkataktak ni kanhi FDA Director General Nela Charade Puno kinsa gilambigit sa Malakanyang sa pangurakot. Apan si Puno niingon nga walay pasangil sa pangurakot batok niya.

Nagduda hinuon nga nakayatak siya og sindikato nga suod sa mga opisyal nga mas taas niya.

Dagkong kompaniya ang nanghimo sa labing inilang brands sa suka.

Di kalikayan nga mabalaka ang taga FDA nga kon mobuka sa ilang baba mahimong mosunod sila ni Puno.

* * *

Bisan sa pasalig sa FDA nga di makamugna og kanser ang kemikal nga gigamit sa suka, di silang kalingiw sa kalapasan sa peke nga mga produkto. Kay obligado sila nga mopatuman sa 49 anyos na nga Administrative Order 134 sa Department of Health (DOH) nga giluwatan ni Kalihim Amadeo Cruz niadtong 1970: “Vinegar containing any artificial matter such as synthetic acetic acid, or cloudifying agent, shall be deemed to be adulterared and its sale is thereby prohibited.”

Tungod sa pagdumili sa FDA paghingan og mga ngan, di ka mabasol kon magduda sa tanang suka.

* * *

leo_lastimosa@abs-cbn.com

PEKE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with