Maestra nanag-ing ni Pedro
JAV BANATI - Javier Yntig Tapulado (Banat) - April 8, 2019 - 12:00am

Ang maestra giisip nga maoy ikaduhang inahan sa mga batang nagtungha sa eskuylahan.

Sama siya sa usa ka himungaan nga nagbantay sa iyang mga piso nga dili mahisalaag sa dalan nga ilang gilaktan samtang nangitag tuktokonon sa mga dapit nga ilang gisubay matag higayon sa ilang panag-uban.

Manggihunahunaon ang buotang himungaan. Sa akto nga iyang pagahilantawan nga may itom uwak nga gustong motukob sa iyang mga sakop, iya dayon kining hiposon ug tagoan tanan ilawom sa iyang mga pako, nangandam  sa pakigharong aron maprotektahan ang iyang mga piso.

Apan dili kini maoy nahitabo sa mga bata nga nangeskuyla sa usa ka tunghaan, kinsa matod pa sa usa ka tinubdan, samtang nangaon duol sa eskuylahan, giduol og grupo sa mga polis nga nangutana kon usa nila, mao bay tag-iya niadtong kotse nga giparking? 

Dihang mibalibad sila, girikisa ang tagsatagsa ka bag ug gihuwad kutob sa unsay sulod sanglit ang mga mananakop mipasangil sa mga estudyante nga mga user ug pusher kuno sila.

Walay nakitang illegal drugs ang kapolisan. Nagpasabot nga limpiyo ug tarong ang maong mga estudyante.

Apan naunsa ba, nga bisag walay ebedensiya, gusto man gyod sa mga mananakop nga dad-on ang mga inosente sa presinto ug ibalhog sa atob? Gumikan niini, nangahadlok pag-ayo ang mga bata.

Maayo na lang, kay dinhay maestra nga nahiagi sa duol. Ug gipangutana sa mga polis kon kaila ba siya sa mga estudyante?

Pastilan, milingolingo man ang maestra ug miingon, ‘dili’!

Nanglipaghong intawon ang nawong sa mga bata, uy! Tiaw bay, dili lang maestra nila ang maong babaye. Kon dili, Head gyod sa Students Affairs Office sa ilang eskuylahan. Aw, nadagit gyod sila sa mga polis ug gipriso.

Porbida, no? Nanag-ing man si Ma’am ni Pedro. Dihang gidakop si Kristo Hesus sa mga Hudeyo ug gitaral sa hukmanan, gipangutana siya sa silbedora ug grupo sa katawhan kon nakaila ba siya ni Hesus?

Duha ka beses sa babaye ug usa sa katawhan. Tulo tanan. Ug tulo sab ka higayon nga si Pedro namakak.

Usa ka polis mipahayag. Nga kon giangkon pa sa maestra nga iyang estudyante ang mga bata, dili gyod unta kuno nila kini dakpon. Sayanga, sa?

PEDRO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with